जाणून घ्या उदयनराजे भोसले यांच्याकडे किती आहे एकूण संपत्ती… 0

अवघ्या महाराष्ट्राचे आराध्य दैवत असलेल्या छत्रपती शिवाजी महाराजांचे थेट तेरावे वंशज उदयनराजे भोसले यांचा एक वेगळाच अंदाज आहे. त्यांना प्रेमाने लोक महाराज साहेब म्हणतात. आजही बरेचसे लोक त्यांना(अर्धवट) मुजरा करतात. सहा फूट उंच आणि भारदस्त शरीरयष्टी असलेल्या उदयनराजे भोसले यांचे व्यक्तिमत्त्व खरोखरच राजेशाही आहे. धारदार नाक आणि रोखून बघणारे त्यांचे डोळे अनेकदा समोरच्याला घाम फोडतात.

‘मला हवं तसं राहणार. राजघराण्यात जन्माला आलो असलो तरी मी स्वतःला हवं तसं राहतो. दुसरे लोक काय बोलतात याची मला पर्वा नाही’, असे महाराज साहेब नेहमी ठणकावून सांगतात. महाराजांचा सातारा लोकसभा मतदारसंघात नेहमीच दबदबा राहिला आहे. उदयनराजेंनी 1996 ला सातारा लोकसभा मतदारसंघातून अपक्ष उमेदवार म्हणून निवडणूक लढवली होती. पण त्यांच्या वाट्याला त्यावेळी पराभव आला होता. त्यानंतर त्यांनी भाजप मध्ये प्रवेश केला आणि 1998 ला सातारा विधानसभा मतदारसंघातील पोटनिवडणुकीत भाजपचे उमेदवार म्हणून निवडून आले. त्यावेळी त्यांना युती सरकारमध्ये महसूल राज्यमंत्री पद देण्यात आले होते. 1999 आणि 2004 मध्ये 2 वेळा पराभूत झाल्यानंतर महाराजांनी काँग्रेसमध्ये प्रवेश केला पण तिथेही त्यांना तिकीट मिळाले नाही. त्यानंतर त्यांनी राष्ट्रवादी काँग्रेस पक्षात प्रवेश केला. आज उदयनराजे राष्ट्रवादीचे खासदार आहेत. पण निवडणुकांचा विषय आला की एक चर्चेचा मुद्दा समोर येतो, तो म्हणजे महाराजांची संपत्ती. खासरेवर जाणून घेऊया उदयनराजेंची संपत्ती…

उदयनराजे भोसले यांनी संपत्ती-

उदयनराजे भोसले यांची एकूण संपत्ती किती हा प्रश्न अनेकांना पडतो. उदयनराजेंनी 2009 च्या लोकसभा निवडणूकीत अर्ज भरताना दिलेल्या संपत्तीच्या तपशीलानुसार उदयनराजेंची संपत्री त्यावेळी 12 कोटीच्या आसपास होती. पुढे 2014 साली अर्ज भरताना यामध्ये वाढ होऊन महाराजांची संपत्ती ही 14 कोटी झाली. उदयन महाराजांना गाड्यांचा शौक आहे. त्यांच्याकडे जिप्सी, अंबेसिडर, स्कोडा आणि अनेक त्यांच्या आवडत्या कार आहेत.

महाराजांच्या संपतीमध्ये 4 कोटी रुपये किंमत ही जागा आणि शेतीची आहे तर 3 कोटी रुपये हे ज्वेलरीचे आहेत. शिवरायांचे तेरावे वंशज असल्याने त्यांचे जवळपास 11 हजार 470 एकर जमिनीवर भोगवटादार म्हणून नाव आहे.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

Previous ArticleNext Article

Leave a Reply

Your email address will not be published. Required fields are marked *