राजीव गांधी यांच्या बाबत तुम्हाला ह्या गोष्टी माहिती आहे का ?

राजीव गांधी उर्फ राजीव रतन गांधी यांचा जन्म २० ऑगस्ट १९४४ ला मुंबई येथे झाला. फिरोज गांधी व इंदिरा गांधी यांचे सुपुत्र राजीव गांधी. भारताचे ७ वे प्रधानमंत्री राजीव गांधी यांचा कार्यकाल १९८४ ते १९८९..

आपल्या मोठ्या भावासोबत राजीव गांधी यांनी प्राथमिक शिक्षण ड्युन स्कूल,देहरादून येथे पूर्ण केले त्यानंतर , Trinity College मध्ये त्यांचे शिक्षण झाले व पुढील शिक्षणा करिता ते Cambride Imperial Collge लंडन येथे पूर्ण केले. इंदिरा गांधीची हत्या झाल्या बरोबर त्यांना भारताचे प्रधानमंत्री घोषित करण्यात आले. त्यांचे भाऊ संजय गांधी यांच्या मृत्यू नंतर त्यांनी राजकारणात सक्रीय सहभाग घेतला.

राजीव गांधी यांचे नाव राजीव कसे ठेवण्यात आले ?
त्यांची आजी कमला गांधीच्या नावावरून त्यांचे नाव राजीव ठेवण्यात आले कारण असे कि कमला म्हणजे लक्ष्मी आणि लक्ष्मीचे सिंहासन कमळ म्हणजे राजीव…

वयाच्या ४० व्या वर्षी प्रधानमंत्री पदाची शपथ घेणारे राजीव गांधी हे सर्वात तरून भारताचे प्रधानमंत्री होते. राजीव गांधी यांचे प्रेम Antanio Manio (त्यांना आपण सध्या सोनिया गांधी म्हणून ओळखतो ) यांच्या सोबत झाले त्यानंतर दोघानेही लग्न करण्याचा निर्णय घेतला. UKमध्ये college मध्ये असताना दोघाच्या मैत्रीचे रुपांतर प्रेमात झाले.

१९६६ ला शिक्षण पूर्ण झाल्यानंतर राजीव गांधी भारतात परतले व त्यांनी एअर इंडियात पायलटची नौकरी केली. येथे त्यांना ५००० रुपये महिन्याला पगार मिळत होता. राजीव गांधी हे संगीताचे चाहते होते Rolling Stones व Beetles हे त्याचे आवडते संगीत समूह होते. १९८० पर्यंत संजय गांधी यांच्या मृत्यु होण्यापूर्वी राजीव गांधी राजकारणापासून दूर होते. भावाच्या मृत्य नंतर राजीव गांधी १९८१ साली सर्वात पहिले लोकसभेवर निवडून आले.

Sam Pitroda सुध्दा मान्य करतात कि भारतातील डिजिटल क्रांतीचे जनक हे राजीव गांधी आहे. १९८२ साली त्यांना कॉंग्रेसच्या जनरल सेक्रेटरीपदी निवड करण्यात आली. याच काळात त्यांना राष्ट्रकुल क्रीडा स्पर्धेची तयारी करण्याची जवाबदारी देण्यात आली व त्यांनी ती जवाबदारी सार्थपणे पार पाडली. आईच्या मृत्यूनंतर राजीव गांधी यांनी कॉंग्रेसला सर्वात मोठा विजय मिळवून दिला. ५४२ पैकी ४११ जागेवर कॉंग्रेसचे उमेदवार निवडून आले. निवडणूक प्रचारात त्यांनी २५० सभा घेतल्या व त्याचे अंतर पृथ्वीच्या अर्धी परिक्रमा होईल एवढे होते.

३० जुलै १९८७ रोजी त्याचावर प्राणघातक हल्ला झाला परंतु राजीव गांधी या हल्ल्यातून बचावले. विजयमुनिगे रोहणा डिसिल्वा हे हल्ला करणार्याचे नाव कारण २९ जुलै १९८७ रोजी त्यांनी श्रीलंका सोबत झालेला शांती प्रस्ताव आहे. राजीव गांधी यांना २१ मे ११९१ रोजी चेन्नई येथील श्रीपेरूमब्दूर येथील सभेत आत्मघाती बॉम्ब हल्यात वीरगती प्राप्त झाली. LITTE ह्या दहशतवादी संघटने तर्फे हा हल्ला करण्यात आला. १९९१ साली त्यांना मृत्यूपश्चात भारतातील सर्वोच्च सन्मान भारत रत्न देण्यात आला..

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

शाळेत जाणाऱ्या प्रत्येक विद्यार्थ्याने अटलजींचं हे भाषण ऐकलंच पाहिजे..

माजी पंतप्रधान अटलबिहारी वाजपेयी यांचं गुरुवारी 16 ऑगस्ट रोजी निधन झालं. त्यांच्या निधनाने भारतीय राजकारणातील भीष्म पितामह हरपला आहे.अटलबिहारी वाजपेयी हे फक्त राजकारणीच नाही तर एक हळव्या मनाचे कवी, लेखक आणि पत्रकार देखील होते.

अटलजींच्या निधनानंतर त्यांचे अनेक भाषणं सोशल मीडियावर व्हायरल झाली आहेत. पण एक खास भाषण बघण्याचा सल्ला आनंद महिंद्रा यांनी दिला आहे. आनंद महिंद्रा यांनी ट्विट करून त्यांचं भाषण खासकरून विद्यार्थ्यांनी बघण्याचा सल्ला दिला आहे. वाजपेयींचं हे भाषण आवर्जून ऐकावं असंही ते म्हणाले आहेत.

अटलजीच्या मृत्यू नंतर नरेंद्र मोदी यांचा हसताना वायरल फोटोचे काय आहे सत्य..

माजी प्रधानमंत्री अटल बिहारी वाजपेयी यांचा १६ ऑगस्ट ला मृत्यू झाला. त्यानंतर लगेच नेटीजनकडे एक फोटो आला ज्यामध्ये मोदीजी हे ४ डॉक्टरासोबत उभे आहे आणि बोलताना हसताना दिसत आहे. आणि त्या नंतर सोशल मिडीयावर हि फोटो मोदी विरोधकांनी पसरवली आणि या फोटो वर टीका होण्यास सुरवात झाली. ज्यामध्ये लिहण्यात येत आहे कि अटलजीच्या मृत्युनंतर नरेंद्र मोदी हसत आहे. किती असवेदनशील आहे देशाचे प्रधानमंत्री जे आपल्या नेत्याच्या मृत्युनंतर हसत आहे, अश्या प्रकारे टीका करण्यात आली. आणि या फोटोस सोशल मिडीयावर हजारो शेअर मिळाले आहे.

सोशल मिडीयावर हा फोटो शेअर होत होता त्यामध्ये कांग्रेस नेता बृजेश कलप्पा यांनी हा फोटो twitter वर शेअर केला आणि पुढील प्रकारे टिपणी केली- “दुख से ग्रस्त पीएम नरेंद्र मोदी भारत रत्न अटल बिहारी वाजपेयी की मौत पर दिल्ली के एम्स अस्पताल में शोक प्रकट करते हुए” या प्रकारा नंतर नरेद्र मोदीच्या बचावात काही लोक नाराज झाले आणि त्यांनी बचावात सांगितले कि हा फोटो जुना १० एप्रिल २०१६चा आहे एम्स मधील नाही आहे. हा दावा रिषी बाग्री आणि अंकुर सिंह या दोन twitter युजरनि सर्वप्रथम केला आहे.

या नंतर आम्ही १६ ऑगस्टचा तो व्हीडीओ शोधला ज्यामध्ये नरेंद्र मोदी हे अटल जिना भेटायला जात आहे. एम्स बाहेरील हा व्हीडीओ आहे ज्यामध्ये नरेंद्र मोदी फुल स्लीव कुर्ता घालून आहे जसा वायरल फोटो मध्ये आहे. या नंतर जो बॉडीगार्ड नरेंद्र मोदी यांच्या सोबत आहे तो सुध्दा फोटो मध्ये आहे. खाली आपण व्हीडीओ बघू शकता.

नरेद्र मोदि यांचा बॉडीगार्डचा फोटो आपण बघू शकता दोन्ही हि फोटो मध्ये दिसणारे बॉडीगार्ड सारखे आहेत.

अजून हि विश्वास ज्यांना होत नाही त्यांच्या करिता वायरल फोटो मध्ये जे डॉक्टर आहे त्यांचे नाव डॉ. शिवकुमार चौधरी हे आहे. आणि ते एम्स मध्ये कार्डियोथोरैकिक सर्जरी चे प्राध्यापक आहे.

आणि काही युजर जे सांगत आहेत कि फोटो एप्रिल २०१६चा आहे. त्यांच्या करिता आम्ही जुना फोटो देत आहो ज्यामध्ये मोदीजी यांनी फुल स्लीवचा कुर्ता घातलेला नाही आहे. वायरल फोटोत फुल स्लीवचा कुर्ता आहे.

हि गोष्ट सत्य आहे कि फोटो एम्स मधील आहे. नरेंद्र मोदी अटल जी यांच्या तब्येतीची विचारपूस करायला गेले होते तेव्हाचा आहे. परंतु खोट हे सांगण्यात येत आहे कि हा फोटो अटल जी च्या मृत्यू नंतरचा आहे. हि गोष्ट अतिशय खोटी आहे कारण नरेंद्र मोदी २:४५ ला एम्स मधून चालले गेले होते आणि अटलजी चा मृत्यू सायंकाळी ५:०५ ला झाला. हा फोटो अटलजी च्या मृत्यू अगोदरचा आहे. हे फोटो राजकीय फायद्या करिता अनेक लोक शेअर करतात आणि सामान्य व्यक्ती या खोट्या गोष्टीत फसला जातो. आपल्याला हि माहिती आवडल्यास अवश्य शेअर करा व आमचे पेज लाईक करायला विसरू नका.

अटल बिहारी वाजपेयींचे हे स्वप्न शेवटपर्यत पूर्ण झालेच नाही !

अटल बिहारी वाजपेयींचे लखनौ शहरासोबतचे नाते अत्यंत घट्ट होते. त्यांच्या राजकीय जीवनातील सुरुवात या शहरापासून झाली होती. लखनौ येथून ते ५ वेळा खासदार झाले होते त्यांचे या शहरावर एक प्रकारचे प्रेम होते. लखनऊमध्‍ये वेगवेगळ्या ठिकाणी राहिले. पण, त्‍यांची खास जवळीक त्‍यांच्‍या हस्‍तरगंज परिसरातील राज्‍य संपत्‍ती कॉलनीतील त्‍यांच्‍या फ्‍लॅट नंबर- 302 शी होती. अटलजी जेव्‍हा जेव्‍हा लखनऊला येत तेव्‍हा ते गेस्‍ट हाउसमध्‍ये न राहता ते या फ्लॅटमध्ये राहणे पसंत करत. कारण हा फ्‍लॅट त्‍यांच्‍यासाठी शुभ ठरला होता. या फ्‍लॅटमध्‍ये राहत असताना त्‍यांनी लखनौचे खासदार ते देशाचे प्रधानमंत्री पदापर्यंतचा प्रवास केला.

अटल जी हे १९४७ साली लखनौ शहरात आले . ते येथे पीएचडी करण्यासाठी आले होते पण पीएचडी बाजूला राहिली व येथे यशस्वी पत्रकार व राजकारणी म्हणून नावारूपाला आले. लखनौ येथे त्यांनी राष्ट्रधर्म या मासिकाच्या संपादनाची जबाबदारी यशस्वी पार पाडली होती. ते येथे पहिल्यांदा आपले सहकारी बजरंग तिवारी यांच्या घरी राहिले नंतर शेतकरी भवन मध्ये पण राहिले. खासदार झाल्यानंतर त्यांना खासदार निवासस्थान मीराबाई रोड येथील बंगला दिला तिथे ते राहत असत.

लखनऊमध्‍ये त्‍यांचे एक घर असावे अशी अटलजींची एक इच्‍छा होती. यासाठी त्‍यांची पहली पसंद बख्‍शी येथील तलावाचा परिसर होता. तेथील हिरवा गर्द परिसर त्‍यांना प्रभावित करत होता. त्‍यांनी एकदा निवडणूक प्रचाराच्‍यावेळी जाहीर केले होते की, या परिसरात स्‍व:तासाठी एक घर बनविणार आहे. पण त्‍यांची ती इच्‍छा पूर्ण होऊ शकली नाही. त्यांना त्या परिसरात स्वतःचे घर काही कारणाने घेता आले नाही. नंतर ते आजारी पडले आणि त्यांच्या स्वप्नातील घर त्यांना काही घेता आलेच नाही. पण मनाने त्यांचे प्रेम त्या शहरावर राहिले.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

आज या अवस्थेत आहे अटल बिहारी वाजपेयी यांच्या परिवारातील हे सदस्य..

माननीय माजी प्रधानमंत्री अटल जी वाजपेयी यांच्या परिवाराबद्दल जास्त कोणाला काही माहिती नाही आहे. आज आपण अटलजींच्या कुटुंबियांबद्दल जाणून घेणार आहोत. अटलजी यांचे वडील पंडित कृष्णबिहारी वाजपेयी शिक्षक होते तर अटलजींच्या आई कृष्णा वाजपेयी या गृहिणी होत्या. अटलजींना ३ मोठे भाऊ अवध बिहारी, सदा बिहारी और प्रेम बिहारी हे होते तर ३ बहिणी असा एकूण त्यांचा ७ बहीण भावंडांचा परिवार होता. अटल जी यांचे जीवन सामान्य राहणीमानात गेले आहे. त्यांचे कुटुंबीय हि अत्यंत सामान्य जीवन आज हि जगते.

अटल जी यांचे पुतणे रमेशचंद्र वाजपेयी हे आजही त्यांच्या पूर्वजांच्या बटेश्वर या गावी राहत आहेत. अटलजी यांची जुनी हवेली याच गावात आहे. रमेशचंद्र वाजपेयी हे प्रधानमंत्री अटलजी यांचे पुतणे आहेत ते रिटायर्ड शिक्षक आहेत. त्यांनी सांगितले कि त्यांच्या म्हाताऱ्या पत्नीला आज या वयात स्वतःला हापशाचे पाणी स्वतः भरून आणावे लागते. अटलजी वाजपेयी यांच्या त्या सून बाई होत. एका माजी प्रधानमंत्र्यांच्या सुनबाईला सार्वजनिक पॅम्पवरील पाणी स्वतः घेऊन यावे लागते यावरून त्यांचे कुटुंबीय किती सामान्य आहे हे आपण पाहू शकतात.

त्यांचे गाव बटेश्वर हे फतेश्वरी शिक्री या लोकसभा मतदारसंघात येते या गावात अटलजी राजकारणात असे पर्यंत रौनक होती पण जेव्हा अटलजी आजारी पडले तेव्हा पासून या गावाची रौनक निघून गेली. या गावातील विकासकामे हि थांबल्या गेली गावात ६ पम्प (हापशें) आहेत त्यावरून गावकऱ्यांना पाणी घ्यावे लागते. अटलजी यांच्या निधनानंतर आता गावात सर्वत्र शोककळा पसरली आहे. अटलजी यांचे सर्व नातेवाईक त्यांच्या अंत्यविधी साठी दिल्ली येथे रवाना झाले आहेत. आज हि त्यांचे सर्व नातेवाईक सामान्य आयुष्य जगत आहेत. अटलजी यांनी नेहमी देशाचा विकास चिंतिला कुटुंबीय नातेवाईक यांच्यात ते गुंतले नाहीत.

ते सध्या काय करतात ? अटलजीच्या परिवाराविषयी संपूर्ण माहिती

एखाद्या नेत्याचा नातेवाईक किंवा जवळील व्यक्ती त्याची हवा काय असते हे सर्वांनाच माहिती आहे. परंतु अटलजीच्या परिवाराविषयी फार कमी लोकांना माहिती आहे आणि त्यांनी आपल्या परिवाराचा स्वार्थ कधी बघितला पण नाही. हे सर्वांनाच माहिती आहे. अटलजी प्रमाणे त्यांचे कुटुंब काय करतात हे एक गूढच आहे. परंतु आम्ही माहिती शोधण्याचा प्रयत्न केला आणि आपल्याकडे हि माहिती देत आहोत.

अटल बिहारी वाजपेयी यांचा जन्म एका मोठ्या सयुंक्त कुटुंबात झाला आहे. त्यांना ३ भाऊ व ३ बहिणी आहेत. त्यांचे भाऊ आणि बहिण काय करतात ह्या विषयी माहिती आता आपण बघूया, १) अवध बिहारी यादव हे त्यांचे भाऊ मध्य प्रदेश सरकार मध्ये उप सचिव होते. त्यांचा जन्म ग्वालीअरला झाला आणि त्यांचा मृत्यू फेब्रुवरी १९९८ मध्ये झाला. २) सदा बिहारी यादव हे पुस्तक प्रकाशनचा व्यवसाय करतात. जन्म ग्वालीअरचा असून त्यांची मुलगी करुणा शुक्ला हि रायपुर येथून आमदार सुध्दा राहलेली आहे. ३) प्रेम बिहारी वाजपेयी मध्य प्रदेश राज्य सहकारी संस्थेत लिपिक होते. त्यांचा मुलगा नवीन वाजपेयी हा मेडिकल चालवितो आणि दुसरा मुलगा दीपक वाजपेयी हा बीजेपीचा पदाधिकारी आहे.

४) उर्मिला मिश्रा त्यांची बहिण गृहिणी आहे. जन्म १९३१ साली आणि मृत्यू ९ मे २००३ला झाला. त्यांचा मुलगा अनुप मिश्र हा माजी आमदार आहे. ५) विमल मिश्रा ह्या सुध्दा गृहिणी आहेत. त्यांचा मुलगा अरुण हा सार्वजनिक बांधकाम विभागात काम करतो. ६)कमला देवी ह्या सर्वात लहान बहिण त्यांच्या बद्दल आम्हाला जास्त माहिती उपलब्ध होऊ शकली नाही परंतु त्या गृहिणी आहेत. आणि आपल्या परिवारासोबत आजही असतात.

आपल्याला हि माहिती आवडल्यास अवश्य शेअर करा व आमचे पेज लाईक करायला विसरू नका.

अटलजी कडे किती आहे संपत्ती ? आणि कोण आहे या संपत्तीचे वारसदार..

देशाचे लाडके प्रधानमंत्री म्हणून आपण ज्यांचा उल्लेख करू शकतो अशा अटल बिहारी वाजपेयी यांच्या बद्दल आज हि प्रत्येकांच्या मनात उत्सुकता आहे. सर्वाना अटलजी यांनी मृत्यू पश्चात किती संपत्ती सोडली व त्यांचे वारसदार कोण असतील याबाबत सर्वांच्या मनात प्रश्न निर्माण झाला आहे. तर आपल्याकरिता आम्ही या प्रश्नाचे उत्तर घेऊन आलो आहोत.

२००४ सालच्या त्यांच्या निवडणुकीतील प्रतिज्ञापत्रानुसार त्यांच्याकडे एकूण संपत्ती ही ५८ लाखांच्या आसपास होती. वाजपेयी यांचे स्टेट बँकमध्ये दोन अकाऊंट होते. त्यातील एका अकाऊंटमध्ये २० हजार रुपये तर दुसऱ्या अकाऊंटमध्ये ३ लाख ८२ हजार ८८६ रुपये ४२ पैसे एवढी रक्कम होती. याच बँकेच्या अजून एका अकाऊंटमध्ये २५ लाख ७५ हजार ५६२ रुपये ५० पैसे एवढी रक्कम होती.त्यांच्याकडे १ लाख २० हजार ७८२ रुपयांचे २,४०० युनिट बॉण्डही होते. हे यूनिट यूटीआय-१९९१ आणि १९९३ च्या नॅशनल सेव्हिंग योजनेअंतर्गत देण्यात आले होते. तसेच वाजपेयी यांच्याकडे २२ लाख रुपये एवढी किंमत असलेलं एक घर दिल्लीतील ईस्ट ऑफ कैलाश येथे होते. तसेच ग्वालियरमधील त्यांच्या मूळ घराची किंमत ६ लाख रुपयांपर्यंत होती.

आजच्या बाजारभावानुसार अटलजी यांची एकूण संपत्ती हि किती जाते याचा शोध घेतला असता celebritynetworth.com या वेबसाईटच्या दाव्यानुसार अटलजी ची आजची संपत्ती १४ कोटीच्या दरम्यान जाते. त्यांना २० हजार रुपये पेन्शन सुरु होती तसेच त्यांना एक सचिव देण्यात आला होता. तर त्यांच्या कार्यालयाच्या खर्चासाठी त्यांना ६ हजार रुपये देण्यात यायचे. अटलजींनी लग्न केले नव्हते हे आपण सर्वाना माहिती आहेच. पण शेवटच्या काळात ते आपली कॉलेज मत्रीण राजकुमारी कौल यांच्यासोबत राहत असत. त्यांनी राजकुमारी यांची कन्या नमिता हिला दत्तक घेतले आहे. आणि कायद्यानुसार अटलजी यांच्या संपत्तीचे वारसदार हे त्यांची मुलगी नमिता व जावई असतील.

अटलजी यांनी सुरुवातीच्या काळात अनेक हाल अपेष्टा सहन केल्या आहेत त्याबाबत अनेक किस्से समोर आले आहेत. त्यात ते जेव्हा जनसंघाचे कार्य करत असायचे तेव्हा प्रचाराला अनेक ठिकाणी जात असत एकदा मुंबई येथे आले असताना त्यांच्याकडे दोन शर्ट होते पण त्यातील एक शर्ट कॉलर साईडला फाटले होते तर दुसरले खालील बाजूला. दोन्ही शर्ट फाटलेले होते आणि अशा परिस्थिती मध्ये भाषण कसे द्यायचे याचा विचार आला मग त्यांनी आपल्या जवळील जॅकेट शर्टवर घालून वेळ निभावून नेली. मुंबई शहरात किती गर्मी असते याची आपल्याला कल्पना आहे अटलजी यांनी तो दिवस तसाच जॅकेट घालवून नेला. तर १९८७ साली त्यांच्या गुडग्याच्या ट्रीटमेंट साठी त्यांना राजीव गांधी जी यांनी मदत केली होती आणि त्यांनी जाहीररीत्या त्याबाबत आभारही मानले आहेत.

अपहरण केलेल्या विमानातून अशा प्रकारे अटल वाजपेयी यांनी ४८ प्रवाशांची केली सुखरूप सुटका.. वाचा हा शौर्यदायी किस्सा

अटल वाजपेयी यांच्या साहसाचा एक किस्सा कधीच समोरआला नाही. हा किस्सा अटलजी वाजपयी किती शौर्यवान होते हे दाखवून देतो. लालजी टंडन या प्रसिद्ध व्यक्तीने हा किस्सा आज तक या वाहिनीच्या पत्रकाराला सांगितला आहे. लालजी टंडन यांनी काय किस्सा सांगितला आहे तो त्यांच्याच शब्दात अवश्य वाचा.

२२ जानेवारी १९९२ साली लखनो वरून दिल्ली येथे जाणाऱ्या विमानात एका प्रवाशाने एअर इंडियाच्या विमानाला हायजॅक केले होते. त्या विमानात एकूण ४८ व्यक्ती होते. विमान नेमकेच उडालेच कि त्या प्रवाशाने आपल्याकडे केमिकल बॉम्ब असून जर विमान पुन्हा लखनौ ला वळवले नाही तर बॉम्बचा स्फोट करायची धमकी दिली. हि धमकी ऐकून विमानाच्या पायलट ला धक्का बसला तसेच विमानातील सर्व प्रवाशी घाबरलेल्या अवस्थेत राहिले. लागलीच पायलट ने विमानतळ ऍथॉरिटी ला विमानात एका प्रवाशाकडे बॉम्ब असून त्याने विमान हायजॅक केल्याची गोष्ट कळवली. काही वेळातच विमान ४८ प्रवाशांसह खाली लखनौ विमानतळावर उतरवले.

विमान उतरल्यावर विमानाला एका बाजूला नेण्यात आले आणि अजून हि त्या हायजॅकर ला काय हवंय याची माहिती कोणाला नव्हती कि त्यांनी काही बोलणे केले होते. त्या काळात उत्तरप्रदेश मध्ये राष्ट्रपती शासन लागलेले होते. विमानातील प्रवाशी भीतीने थरथरत होते. त्या दिवशी अटल वाजपेयी लखनौ मध्ये होते. ते सर्किट हाऊस वर आपल्या कार्यकर्त्यांसह जेवण करायला बसलेले होते. अटल वाजपेयी तेव्हा विरोधी पक्षातील एक तागडे व्यक्तिमत्व होते. जेवण करणार तेव्हाच तत्कालीन जिल्हाधिकारी अशोक प्रियदर्शी व लाल जी टंडन हे भयभीत होऊन जोराचा सुस्कारा टाकत आले आणि त्यांनी अटलजी ना सांगितले कि लखनौ विमानतळावर एकाने विमान हायजॅक केले आहे आणि तो आपल्याशी बोलण्याची मागणी करतोय. ४८ प्रवाशांचा जीव धोक्यात आहे. अटलजीने जेवण तसेच टाकून विमानतळ गाठले.

विमानतळावर पोहचल्यावर अटलजी यांनी हायजॅकर सोबत संभाषण करायचा प्रयत्न केला पण हायजॅकर ला हे अटलजी बोलत आहेत असा विश्वास आला नाही. त्यामुळे तो विमान बॉम्ब ने उडवण्याची धमकी देत होता. तेव्हा मोठ्या ध्येयाने अटलजी यांनी परिस्थिती सांभाळत हायजॅकर च्या जवळ जाण्याची तयारी केली. पण प्रशासनाने परवानगी दिली नाही पण अटलजी वाजपेयी यांनी मोठा धोका पत्करत त्या हायजॅकरला भेटून बोलू असे कालवून प्रशासनाचे मन वळवले.

अटलजी वाजपेयी यांच्या मागणी बाबत प्रशासन सहमत झाले आणि त्यांच्या सोबत सुरक्षा रक्षक देऊन त्यांना हायजॅकर च्या विमानापासीं जायची परवानगी दिली. अटलजी वाजपेयी विमानतळावर ज्या ठिकाणी हायजॅक विमान आहे तिथे गेले त्यांच्या सोबत अशोक प्रियदर्शनी व लाल जी टंडन हे होते. विमानाजवळ गेल्यावर अशोक प्रियदर्शी यांनी विमानात जाऊन हायजॅकरला सांगितले कि अटलजी वाजपेयी येथे आले आहेत त्यांच्या शी बोल तर त्याला त्याच्यावर विश्वास नव्हता तर शेवटी आपल्या जीवाची चिंता ना करता अटलजी ने विमानात जाण्याचा निर्णय घेतला.

अटलजी ने अत्यंत धाडस केले व हायजॅकर असलेल्या विमानात धडक मारली ते हायजॅकर ला भेटले व त्याच्याशी संभाषण सुरु केले तेव्हा लाल जी टंडन यांनी हायजॅकर ला सांगितले कि एवढा मोठा तुला भेटायला आला आहे त्यांच्या पायाशी लागायला हवे व तुझ्या मागण्या कळवायला हव्यात तर हायजॅकर त्यांच्या पायाशी लागलाच कि सुरक्षा रक्षकांनी त्याला पकडून त्याच्या जवळील वस्तू हिसकावून घेतली. शेवटी त्याच्याकडे बॉम्ब नव्हता पण अटलजी यांनी जी समयसूचकता दाखवली धाडस दाखवले त्याचे सर्वत्र कौतुक झाले. विमानातील सर्व प्रवाशाने त्यांचा जयजयकार केला.

हि घटना आता जेष्ठ नेते लाल जी टंडन यांनी सांगितली आहे. या घटनेवरून अटलजी चे एक वेगळे स्वरूप आपल्याला पाहायला मिळाले . आपल्याला हा किस्सा आवडला तर नक्की शेअर करा

जेव्हा अटलजी आणि नरेंद्र मोदी मनसोक्त नाचले.. बघा दुर्मिळ व्हिडीओ

नरेंद्र मोदि आणि अटल बिहारी वाजपेयी यांचे संबंध सगळ्या समोर आहेच. गुजरात मध्ये दंगे उसळल्यावर सरळ त्यांना राजधर्माचे पालन करायला सांगणारे अटल बिहारी वाजपेयी होते. आज असाच दोघांचा एक डान्सचा दुर्मिळ व्हिडीओ आपण बघू शकता ज्यामध्ये नरेंद्र मोदि आणि अटलजी मनसोक्त नाचताना व होळीचा आनंद घेताना दिसत आहेत. सदर व्हिडीओ हा होळीचा असून यामध्ये धुलीवंदनाचा आनंद घेताना आपल्याला सध्याचे प्रधानमंत्री नरेंद्र मोदी आणि मा. प्रधानमंत्री अटल बिहारी वाजपेयी दिसत आहेत. भारत रत्न अटल बिहारी वाजपेयी यांच्या स्मृतीस विनम्र अभिवादन.. आणि खासरे परिवारातर्फे भावपूर्ण श्रद्धांजली
व्हिडीओ आवडल्यास नक्की शेअर करा व आमचे पेज लाईक करायला विसरू नका..

अटल बिहारी वाजपेयी यांचे भाजपा करिता योगदान नक्की वाचा

अटल बिहारी वाजपेयींची तब्बेत अत्यंत चिंताजनक आहे. संपूर्ण देशातील जनतेचे लक्ष त्यांच्याकडे लागून आहे यावरून आज हि देशातील जनता अटलजी यांच्यावर किती प्रेम करते हे दिसून येते. आपण अटलजी यांच्या जीवन प्रवासाबद्दल थोडक्यात जाणून घेऊया.

अटल बिहारी वाजपेयींचा जन्म ग्वाल्हेर येथे एका शिक्षकाच्या घरात २५ डिसेंबर १९२४ ला जन्म झाला. त्यांच्या वडिलाचे नाव कृष्णा बिहारी वाजपेयी आणि आईचे नाव कृष्णा देवीं होते. अटलजी यांचे बालपण मध्यमवर्गीय वातावरणात गेले आहे . वाजपेयीजी ग्वॉल्हेरच्या त्यावेळच्या व्हिक्टोरिया कॉलेजात शिक्षण केले . आता लक्ष्मीबाई कॉलेज म्हणून हे कॉलेज ओळखलं जातं. पुढे कानपूरच्या डीएव्ही कॉलेजमधून वाजपेयी राज्य शास्त्रात एम ए झाले. आयुष्यभर अविवाहित राहिलेले वाजपेयी राजकारणात येण्यापूर्वी पत्रकार होते. मासिक राष्ट्रधर्म, साप्ताहिक पांचजन्य, स्वदेश आणि वीर अर्जुन या दैनिकांचं संपादन वाजपेयींनी केलं होतं.

पुढे १९५१ ला स्थापन झालेल्या भारतीय जन संघाचे वाजपेयी संस्थापक सदस्य होते. वाजपेयींचा राजकारणातला सुरुवातीचा काळ खडतर होता. सुरवातीला लखनौतून लोकसभेची पोट निवडणूक वाजपेयी हरले होते. १९५७ मध्ये वाजपेयींना भारतीय जनसंघानं लखनौ, मथुरा आणि बलरामपूर अशा तीन मतदार संघांमधून मैदानात उतरवलं होतं. लखनौतून वाजपेयींचा पराभव झाला. मथुरा मतदारसंघात तर त्यांची जमानत रक्कमच जप्त झाली. पण बलरामपूर लोकसभा मतदार संघातून विजयी होत वाजपेयी १९५७ मध्ये पहिल्यांदा संसदेत पोहोचले. वाजपेयींच्या चार दशकांपेक्षा जास्त काळाच्या संसदीय कारकिर्दीची ही सुरुवात होती.

फक्त संसदेतच नव्हे तर पक्षबांधणीतही वाजपेयींनी आपलं कर्तृत्व गाजवलं. १९६८ ते १९७३ या काळात ते भारतीय जन संघाचे अध्यक्ष होते. इंदिरा गांधींनी पुकारलेल्या आणीबाणी विरोधात अटल बिहारी वाजपेयी खंबीरपणे उभे राहिले. आणीबाणीच्या काळात वाजपेयींनी तुरुंगवासही भोगला. पण पक्ष कार्यात खंड पडला नाही.

पुढे भारतीय जनता पार्टीचे संस्थापक सदस्य म्हणून १९७७ ते १९८० या काळात वाजपेयींनी पक्षबांधणीचे काम केलं. २०१४ मध्ये पूर्ण बहुमतात सत्तेत आलेल्या भाजपच्या सुरुवातीच्या दिवसांची पायाभरणी करण्यात वाजपेयींचा मोलाचा वाटा होता. १९८० ते १९८६ या अवघड काळात वाजपेयींनी भाजपच्या अध्यक्षपदाची धुरा सांभाळली. भाजप संसदीय पक्षाचं नेतेपदही वाजपेयींनी १९८० ते १९९६ या काळात वेळोवेळी प्रभावीपणे सांभाळलं.

अकराव्या लोकसभेत वाजपेयी विरोधी पक्ष नेते होते. विरोधी पक्षात असताना वाजपेयी सरकारला संसदेत आणि संसदेबाहेर धारेवर धरत, दुसऱ्या लोकसभेपासून तेराव्या लोकसभेपर्यंत वाजपेयी खासदार होते. उत्तम संसदपटू अशी ओळख असलेले वाजपेयी थोडा वेळ संसदेबाहेरही होते. १९८४ मध्ये ग्वॉल्हेर मतदारसंघात वाजपेयींचा माधवराव शिंदेंनी पराभव केला होता. त्याकाळात संसदेच्या चर्चांदरम्यान वाजपेयींची अनुपस्थिती विशेष करुन जाणवत असे. मात्र पुढे पुन्हा वाजपेयी संसदेत परतले आणि पंतप्रधानही झाले.

जन संघ आणि पुढे भारतीय जनता पार्टीला सत्तेपर्यंत पोहोचण्यासाठी अटल बिहारी वाजपेयी यांनी प्रचंड मेहनत घेतली. या दोन्ही पक्षांच्या जडणघडणीत आणि विस्तारात वाजपेयींच्या नेतृत्वाचा मोठा हात आहे.