आता तुमचे व्हाट्सएपचे मेसेज सरकार, पोलीस पाहणार का ? वायरल सत्य

सध्या सोशल मीडियावर एक मेसेंज प्रचंड प्रमाणावर वायरल केल्या जातो आहे. कोणत्याही प्रकारची शहानिशा न करता हा मेसेंज पुढे फॉरवर्ड केल्या जात आहे. अनेकांना हा मेसेंज खरा वाटत आहे कारण त्यासोबत एक फोटोशॉप केलेला फोटो सुद्धा जोडलेला आहे.तर सर्वात पहिले आपण काय मेसेंज वायरल होतो आहे ते पाहूया.त्यानंतर त्यामेसेंज पाठीमागील काय वायरल सत्य ते जाणून घेऊ.

पुढील प्रमाणे मेसेंज सर्वत्र वायरल होतो आहे..व्हाट्सअप चे नवीन दिशानिर्देश नीट समजून घ्या.. तुमच्या पोस्ट वर तीन नीळे रंगातील बरोबर चे खुण असेल तर पोलीसाने तुमची पोस्ट पाहिलेली आहे तुम्ही पाहिजे तर डिलीट करु शकता.. परंतु दोन नीळे आणि एक लाल बरोबर खुण असेल तर तुमची पोस्ट आक्षेपार्ह आहे आणि तुम्हाला केव्हाही अटक होवू शकते. शिवाय तुम्ही ती पोस्ट डिलीट पण नाही करु शकत.. 👆👆सावधान 👆👆 या सोबत एक फोटोशॉप केलेला फोटो ही पाठवला आहे तो पाहून सामान्य माणसाला खराच वाटतो..

आमच्या टीम ने या मेसेंज पाठीमागील वायरल सत्य शोधले. पण हा मेसेंज पाठीमागील थोडी पाश्वभूमी समजून घ्यावी लागेल. केंद्र सरकारने फेक न्यूजबाबत व अफवा पसरवणाऱ्या मेसेंज बाबत फेसबुक आणि व्हाट्सएपला निर्देश दिले होते की याबाबत त्यांनी कठोर कार्यवाही करावी व असे प्रकार रोखावेत. तसेच महाराष्ट्रात अफवा चे मेसेंज वायरल झाल्याने अनेक भागात मुले चोरणारी टोळीच्या नावाखाली अनेकांच्या जमावाने हत्या केल्या. त्यात सर्वांनी अफवाचे मेसेंज वायरल करू नये म्हणून आवाहन केले. तर अफवा पसरवणाऱ्या ग्रुप मध्ये पोलिसांनी ऍड असावे अशा प्रकारच्या मागण्या करण्यात आल्या. या सर्व घडामोडीवर काहींनी वरील मेसेंज तयार करून वायरल केला.

सोबत जो फोटो होता तो फोटो सर्वाना एकदम फेसबुकचे नवीन फीचर्स आहे असेच वाटत होते.पण तो फोटो एका मोठ्या न्यूज पेपरने सरकारची टर उडवायला एक लिहिला होता त्यात तो फोटो प्रसिद्ध केला होता. त्यात निव्वळ मनोरंजन पूर्ण लेख होता. 2015 साली हा फोटो टाईम्स ऑफ इंडिया ने प्रसिद्ध केलेला पण तो फोटो घेऊन खोटा मेसेंज वायरल केला. तर व्हाट्सएपने अशा प्रकारचे कोणतेही नवीन फीचर्स आणले नाही की जे सरकार आणि पोलीस हे मेसेंज वाचू शकेल. तर वरील वायरल मेसेंज असत्य आहे.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

कशी झाली होती धोनीची कर्णधारपदावर निवड? पवार साहेबांनी सांगितलेला किस्सा जरूर वाचा

मी भारतीय क्रिकेट कंट्रोल बोर्डाचा (बीसीसीआय) अध्यक्ष असतानाची ही घटना आहे. त्या वेळी भारतीय संघाचा इंग्लंडमध्ये दौरा सुरू होता. इंग्लंडच्या दौऱ्यानंतर भारतीय संघ दक्षिण आफ्रिकेला रवाना होणार होता. वर्ल्डकपची तयारी महत्त्वाची असल्यामुळं या दौऱ्यापासूनच निवड समितीचे सदस्य आणि आम्ही पदाधिकारी काळजी घेत होतो. संघाची कामगिरी कशी चालली आहे, हे बघण्यासाठी आणि किमान एक-दोन कसोटी सामन्यांना प्रत्यक्ष उपस्थित राहण्यासाठी मी लंडनला गेलो होतो. माझा मुक्काम लंडनमधल्या बकिंगहॅम पॅलेसजवळच्या टाटांच्या हॉटेलमध्ये होता.

त्या वेळी कसोटी सामन्यामध्ये एक दिवस सुटीचा असायचा. सामन्याच्या सुटीच्या दिवशी सकाळी भारतीय संघाचा कप्तान राहुल द्रविड यानं मला फोन करून ‘भेटायला यायचं आहे,’ असं सांगितलं. निवड समितीचे अध्यक्ष दिलीप वेंगसरकरही तिथंच होते. ठरल्याप्रमाणं राहुल माझ्याकडं आला आणि त्यानं, धक्का बसावा असा प्रस्ताव मला दिला. त्यानं सांगितलं ः ‘‘मला कप्तानपदाच्या जबाबदारीतून मोकळं करा; कारण कप्तानपदाच्या जबाबदारीमुळं माझ्या खेळावर वाईट परिणाम होतोय.’’ त्याला म्हटलं ः ‘‘तू हे असं काय सांगतोयस?’’ त्या कालखंडामध्ये राहुल, सचिन तेंडुलकर, अनिल कुंबळे हे क्रिकेटपटू नव्या पिढीचे आदर्श होते. संघाचा परदेशदौरा सुरू असताना मध्येच संघनायकाला बाजूला करायचं, हा सगळ्यांच्या दृष्टीनं चुकीचा संदेश जाईल, याची मला काळजी लागली होती.

‘‘या दौऱ्यानंतर आपल्याला आफ्रिकेला वर्ल्डकपसाठी जायचंय आणि त्या तारखा इतक्‍या जवळ आलेल्या असताना कप्तान बदलणं मला योग्य वाटत नाही,’’ असं मी राहुलला समजावलं. राहुल मात्र आपल्या भूमिकेशी ठाम होता. नंतर मी त्याला विचारलं ः ‘‘तू कप्तानपद सोडल्यावर ते द्यायचं कुणाकडं?’’ त्यानं लगेच उत्तर दिलं ः ‘‘संघामध्ये आदराचं स्थान असलेला खेळाडू म्हणजे सचिन तेंडुलकर. तुम्ही सांगितलं तर सचिन ही जबाबदारी घेईल.’’ आणि निवड समितीच्या अध्यक्षांनी लगेचच सचिनला बोलावून घेतलं आणि राहुलचा प्रस्ताव त्याच्यासमोर ठेवला.

सचिननं स्वच्छ उत्तर दिलं ‘‘पूर्वी मी कप्तानपदावर होतो; परंतु माझ्याही बाबतीत राहुलसारखाच अनुभव आहे. कप्तानपदी असताना माझ्या खेळण्यावर नक्कीच परिणाम होतो आणि ही जबाबदारी मला स्वीकारता येणं शक्‍य नाही.’’ आमच्यापुढं प्रश्न होता ‘दोन-तीन महिन्यांतच वर्ल्डकपसाठी जाताना कप्तान कुणाला करायचं?’ आणि त्याबाबतची चुकीची माहिती जर प्रसारमाध्यमांकडून प्रसारित झाली, तर त्याचा चुकीचा परिणाम खेळावर होण्याची शक्‍यता होती. आम्ही सचिनला विचारलं ः ‘‘तुम्ही दोघं नाही म्हटल्यावर आता हे पद द्यायचं तरी कुणाकडं?’’ सचिननं क्षणाचाही विलंब न लावता सांगितलं ः ‘‘कदाचित तुम्हाला माझी मतं पटणार नाहीत. निवड समिती त्याबद्दल काय म्हणेल, ते मला माहीत नाही; पण सध्या संघात मला तसा एकच खेळाडू दिसतो, जो ही जबाबदारी चांगल्या प्रकारे निभावू शकेल… आणि त्या खेळाडूचं नाव आहे एम. एस. धोनी!’’

माझ्या मनात विचार आला, ‘झारखंडसारख्या छोट्या प्रांतातून आलेला हा खेळाडू ही जबाबदारी कशी पार पाडेल? शिवाय त्याला फार मोठा अनुभवही नाही.’ सचिननंच पुढं मला सांगितलं ः ‘‘पवारसाहेब, आमच्या संघात त्याच्याबद्दलची भावना खूप चांगल्या प्रकारची आहे. निवड समितीनं विचार करून संघाचं नेतृत्व धोनीकडं दिलं, तर मी खात्रीनं सांगतो, की देशाच्या क्रिकेटच्या यशामध्ये जास्तीत जास्त यश मिळवणारा, टीमला नेहमी बरोबर ठेवणारा आणि मैदानामध्ये संघ अडचणीत आला, तर उत्तम खेळ करून दाखवणारा असा हा खेळाडू आहे. त्याच्या तुलनेत दुसरा कुणीही खेळाडू नाही. अर्थात निर्णय निवड समितीनं घ्यायचा आहे; पण मी माझं मत मांडलं आहे.’’ त्यानंतर दिलीप वेंगसरकर, बिंद्रा आणि अन्य सहकाऱ्यांच्या कानावर मी ही सगळी बातमी घातली आणि यथावकाश धोनीची कप्तान म्हणून निवड झाली. त्यानंतरचा सगळा इतिहास, हा निर्णय कसा बरोबर होता, ते दाखवणाराच आहे.

राहुल काय… सचिन काय… सौरव गांगुली काय… हे आपापल्या परीनं उत्तम खेळाडू तर होतेच; पण त्यांची दृष्टी सबंध देशाचं प्रतिनिधित्व करत असताना किती व्यापक होती, याचाच प्रत्यय आला. या सर्वांनी प्राधान्यानं भारतीय संघाचा विचार केला. स्वतःपलीकडं देशाचं मोठेपण जपणारे हे सर्व खेळाडू म्हणजे भारतीय क्रिकेटचा मौल्यवान ठेवा होय!
-शरद पवार साहेब

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

नाना पाटेकर यांनी का नाही केले आता पर्यंत संजय दत्त सोबत एकाही सिनेमात काम?

संजू चित्रपटाच्या माध्यमातून सध्या संजय दत्त याच्या जीवनातील अनेक पैलू ची चर्चा होत आहे. सर्व अभिनेते संजय दत्त विषयी प्रेम दाखवत आहेत.पण एक अभिनेता असा आहे जो संजय दत्त थोडेही पसंद करत नाही आणि आता पर्यंत त्याने कधीच संजय दत्त सोबत एक ही चित्रपट केला नाही. तर तो अभिनेता म्हणजे नाना पाटेकर.. तर आपण जाणून घेऊया की कशामुळे नाना पाटेकर हे संजय दत्त सोबत काम करत नाही आणि या पुढेही का करणार नाहीत.

नाना पाटेकर हे अभिनयासोबतच त्यांच्या सामाजिक भूमिकेबद्दल ही अत्यंत प्रसिद्ध आहेत. नाम संस्थेमार्फत शेतकऱ्यांच्या मदतीला धावून जाणे असो..वेगवेगळ्या माध्यमातून नाना हे सामाजिक काम करत असतात. पण त्यांनी संजय दत्त सोबत अभिनय किंवा काम न करायचा निर्णय हा सामाजिक भावनेतून घेतला आहे. 1993 च्या बॉम्बस्फोट मध्ये शकडो लोकांचे बळी गेले. या बॉम्बस्फोटात नाना पाटेकर यांचा चुलत भाऊ ही वारला. तसेच त्यांची पत्नी बॉम्बस्फोटातून बाल बाल बचावली. त्यांच्या पत्नी बॉम्बस्फोट झालेल्या बस मध्ये बसायच्या ऐवजी ती बस चुकली म्हणून पाठीमागील बस मध्ये बसल्या. यातून त्या बचावल्या पण नाना पाटेकर यांना मुंबई बॉम्बस्फोटातील पीडितांच्या दुःखाची जाण आहे.

1993 च्या बॉम्बस्फोट मध्ये संजय दत्त चा अप्रत्यक्ष जरी सहभाग असला तरी संजय दत्तने देश प्रेम दाखवले असते तर शेकडो लोकांचे प्राण त्याने वाचवले असते.पण त्याने ते केले नाही. नाना पाटेकर यांनी तेव्हाच ठरवले की मी कधीच संजय दत्त सोबत कोणत्याही चित्रपटात काम करणार नाही. आणि आता पर्यंत त्यांनी ते पाळले आहे व यापुढेही ते संजय दत्तसोबत काम करणार नाहीत. नाना पाटेकर यांची ही भूमिका मुंबई बॉम्बस्फोटातील पीडित लोकांच्या नातेवाईकबद्दल ची सहानुभूती आहे. त्यामुळे नाना पाटेकर यांनी आता पर्यंत संजय दत्तच्या चित्रपटावर बहिष्कार घातलेला आहे.

आपल्याला नाना पाटेकर यांची संजय दत्त सोबत काम करायची भूमिका मान्य आहे की नाही माहिती नाही पण जे कोणी बॉम्बस्फोटातील पीडित आहेत त्यांचा व त्यांच्या नातेवाईकांचा नाना अस्सल जीवनातील हिरो आहे.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

बोटे दाखवून सेल्फी घेणे पडू शकते अत्यंत महागात ?? काय आहे वायरल सत्य वाचा

सोशल मीडियावर सध्या एक संदेश वायरल होतो आहे त्यामध्ये आपल्याला धक्का बसेल अशी माहिती आहे. प्रत्येकजण सेल्फी च्या आहारी गेला आहे. लहान मुलापासून म्हाताऱ्या माणसापर्यंत सर्वजण कधी ना कधी सेल्फी काढत असतात. तरुण तरुणी तर सेल्फी साठी क्रेजी असतात. सतत वेगवेगळ्या पोज मध्ये सेल्फी घेऊन त्या सोशल साईट वर पोस्ट केले जातात.पण आता सेल्फी मध्ये बोट दाखवणे आपल्यासाठी अत्यंत घातक असणार आहे. जाणून घ्या काय आहे सत्य.

व्हाटसअप वरून काय मेसेंज वायरल होतोय ते थोडक्यात पहा .. आपण जर बोटे दाखवून सेल्फी काढत असाल तर आपल्यासाठी हि गोष्ट महागात पडणार आहे. आपण कधी विचार केला नसेल कि सेल्फी मध्ये आपण बोटे दाखवल्याने त्या बोटांचे फिंगर प्रिंट चोरी करून आपली ओळख चोरल्या जाऊ शकते. आपल्या फोटोतील बोटांचे क्लिअर फोटो असतील तर त्यापासून काही सोफ्टवेअर च्या मदतीने फिंगर प्रिंट्स चोरल्या जातात व त्यांचा वापर चुकीच्या गोष्टीसाठी केला जाऊ शकतो. बँक खाते आधार कार्ड इत्यादी करिता फिंगर प्रिंट्स महत्वाचे असतात. आपल्या बोटांच्या ठशाचा वापर सायबर चोरटे वेगवेगळ्या गोष्टी करिता करू शकतात. त्यामुळे आपण बोट दाखवत सेल्फी काढू नये. नाहीतर आपल्याला याची मोठी किमत मोजावी लागेल.

वरील मेसेंज बाबत आम्ही सत्यता तपासली असता या मेसेंज मध्ये तथ्य आहे हे निदर्शनास आले आहे. चांगल्या मोबाईल किंवा कॅमेरा मधून आपण बोटासहित फोटो घेतला तर आपल्या बोटांचे ठसे चोरल्या जाऊ शकतात. याच्या साठी काही सोफ्टवेअर आहेत ज्याच्या माध्यमातून बोटांचे ठसे चोरता येतात व त्या ठशांची थ्रीडी प्रिंट काढून ते वापरली जाऊ शकतात. हे आपल्यासाठी अत्यंत घातक आहे. आपण सेल्फी घेताना बोटांचे ठसे दिसतील अशा प्रकारची सेल्फी घेऊ नये किंवा उलट्या बाजूने बोटे करूनही आपण सेल्फी घेऊ शकतात.आता सेल्फी घेताना आपण सावध राहायला हव कधी आपल्या फोटोचा वापर कोणी अनुचित गोष्टी करिता करू नये.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

संजू चित्रपटाबद्दल नामवंत वकील उज्वल निकम यांनी उपस्थित केलेत काही प्रश्न अवश्य वाचा

संजय दत्त वरील संजू या चित्रपटाबद्दल सर्वसामान्य माणसाला बरीच उत्सुकता आहे.काय वास्तव आहे हे त्यांना माहिती करून घ्यायचे आहे. पण सध्या चित्रपटातून संजय दत्त ची एकच बाजू दाखवली जात आहे. ज्यामधून संजय दत्तच्या जीवनातील वास्तव प्रसंग गाळून संजय दत्त ला पूरक तेवढे प्रसंग घेण्यात आले आहेत. १९९३च्या बॉम्बस्फोटातील आरोपींच्या विरोधात खटला लढणारे देशद्रोह्यांचे कर्दनकाळ म्हणून ओळख असणारे विशेष सरकारी वकील उज्वल निकम यांनी काही प्रश्न उपस्थित केले आहेत. निकम यांनी संजय दत्त विरोधातील खटला सुद्धा लढवला आहे.त्यामुळे त्यांनी जे प्रश्न उपस्थित केले त्याच्यामधून आपल्याला वास्तव माहिती मिळेल.

सात हँडग्रेनेड्स चित्रपटाच्या कथानकातून का लपवले ?
‘मला आणि वडिलांना धमकी आल्यानंतर मी स्वसंरक्षणाकरिता एके ५६ रायफल घरात ठेवली होती’ ही आरोपीची गुन्ह्यातील कबुली या चित्रपटात दाखवली असून हे वास्तव आहे. परंतु या खटल्यादरम्यान पुढे आलेल्या पुराव्यांनुसार, १२ मार्च १९९३ आधी मुंबई बॉम्बस्फोटातील महत्त्वाचा आरोपी अबू सालेम एका टेम्पोमधून हँडग्रेनेड्स आणि रायफल घेऊन संजय दत्तच्या घरी आला होता, त्यातून त्याने ५ एके ५६ रायफल्स व ७ हँडग्रेनेड्स काही दिवस त्याच्या घरात ठेवल्या हे या चित्रपटात का लपवण्यात आले? काही दिवसांनंतर एक रायफल संजय दत्तने स्वत:कडे ठेवून बाकीच्या सालेमला परत केल्या, हे का दाखवले नाही. चरित्र चित्रपटात वास्तव गोष्टींचा उल्लेख असणे अपेक्षित असताे की गुन्ह्यावर पडदा टाकून सहानुभूती मिळवायचे असते, हे निर्माता, दिग्दर्शकांना समजू नये, हे या चित्रपटाचे दुर्दैव.

कयूमकडून घेतलेल्या पिस्तुलाचे काय?
टाडा कायद्यातील तरतुदींनुसार विनापरवाना संहारक शस्त्र ठेवणे हा गुन्हा संजय दत्तने केला होता. परंतु, न्यायालयाने या गुन्ह्यात त्यास दोषमुक्त केले आणि बेकायदा शस्त्रास्त्र कायद्याखाली शिक्षा ठोठावली. त्यावेळी चांगल्या वर्तणुकीच्या बॉण्डवर आपल्याला सोडावे ही विनंती त्याने केली होती. त्याच्या कबुलीजबाबानुसार, दाऊदचा शार्प शूटर कयूमकडून संजयने विनापरवाना पिस्तूल घेतल्याचे निष्पन्न झाले होते. त्यामुळे त्याला बॉण्डवर सोडू नये, असा आक्षेप सरकारी पक्षाने घेतला होता. परंतु, कयूमकडून घेतलेल्या या पिस्तूलचा उल्लेखही चित्रपटात नाही.

स्वयं संरक्षणाचा दावा करण्यामागे उद्देश काय?
वडील खासदार असल्याने संजयच्या घरी पोलिस संरक्षण होतेच. मग, संरक्षणाच्या नावाखाली ‘एके ५६’ बाळगणे हा भाबडेपणाचा बचाव आहे की त्यामागे दुसरा काही उद्देश होता, हे चित्रपटात दाखवणे आवश्यक होते. बॉम्बस्फोटापूर्वी अशी शस्त्रे व हँडग्रेनेड्स घेऊन सालेम आला होता. ही बाब संजयने पोलिसांना कळवली असती तर निरपराध २५६ लोकांची हत्या टाळता आली असती. याबद्दल त्याला आता काय वाटते, हेही चित्रपटात दाखवायला हवे हाेते.

‘दहशतवादी’ नसल्याचे कोर्टाचेच ताेंडी प्रमाणपत्र
कोणत्याही खटल्यात न्यायालय दोषी किंवा निर्दोष, एवढाच निकाल देते. संजय दत्तच्या खटल्यात मात्र ‘तू दहशतवादी नाहीस’ असे ताेंडी प्रमाणपत्र देण्याची घटना इतिहासात पहिल्यांदाच घडली. त्याचा पुरेपूर फायदा चित्रपट निर्मात्याने या चित्रपटात करून घेतला. संजय दत्तच्या घरी आरडीएक्स ठेवण्यात आले होते, असा आरोप पोलिसांनी कधीही केला नव्हता, परंंतु त्याचेही मीडियाच्या नावाने या चित्रपटात भांडवल करून सहानुभूती प्राप्त करून घेतली आहे.

सहानुभूती मिळवण्यात यशस्वी
मानसशास्त्रातील अभ्यासक सांगतात, की एखादा गुन्हेगार पुराव्याअभावी निर्दोष सुटला किंवा जामिनावर बाहेर आला तरी तो आपण गुन्हाच केल्या नसल्याचा आभास जनमानसात निर्माण करून आपल्या प्रती जनतेेची सहानुभूती मिळवण्यात यशस्वी होतो. याच मानसशास्त्राच्या आधारे चित्रपट निर्मात्याने सदर अभिनेत्याबद्दल सामान्य जनमानसात सहानुभूती मिळवून दिली आहे.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

अभिनेत्या सोबत शरीरसंबंध न ठेवल्याने या अभिनेत्रीला चित्रपटातून काढून टाकले होते..

बॉलिवूडमधील कास्टिंग काऊचवरून वातावरण तापलेले असतानाच आता आणखी एका अभिनेत्रीने तिच्यासोबत घडलेल्या कास्टिंग काऊचचा खळबळजनक खुलासा केला आहे. ही अभिनेत्री काम करत असलेल्या चित्रपटातील हिरोने तिच्याकडे शरीरसुखाची मागणी केली होती, मात्र तिने नकार दिल्यानंतर तिला त्या चित्रपटातून काढून टाकण्यात आल्याचे या अभिनेत्रीने पीटीआयला दिलेल्या मुलाखतीत म्हटले आहे.

‘मर्डर’ या चित्रपटातून बॉलिवूडमध्ये पदार्पण करणाऱ्या मल्लिका शेरावतने तिच्यासोबत बॉलिवूडमध्ये कास्टिंग काऊच झाल्याचा आरोप केला आहे. या चित्रपटात मल्लिकाने बरीचसी प्रणयदृश्ये दिली होती. ‘मी बॉलिवूडमध्ये पदार्पण केलं तेव्हा माझ्यावर अनेक आरोप करण्यात आले. जर तुम्ही तोकडे कपडे घालता, स्क्रिनवर किसिंग सीन देता म्हणजे तुम्हाला नितीमत्ता सोडलेली महिला म्हणून बघितले जाते. पुरुष आपल्याकडून वेगळ्या अपेक्षा ठेवायला लागतात. माझ्यासोबतही असे झाले आहे. मी एका हिरोला सेक्ससाठी नकार दिला म्हणून मला चित्रपटातून काढून टाकण्यात आले होते. त्या हिरोने माझ्याकडे शरीरसुखाची मागणी केली होती.

जर तू स्क्रीनवर माझ्यासोबत प्रणयदृश्य करू शकतेस तर मग खासगी आयुष्यातही करू शकते अशी मागणी तो करत असल्याचे, तिने सांगितले. पण त्याला मी नकार दिल्यानंतर मला त्या चित्रपटातून काढून टाकण्यात आले. हे असेच आपल्या समाजात घडते. आपल्या देशातील महिलांना अशाच गोष्टींना सामोरे जावे लागते, असे मल्लिकाने वृत्तसंस्थेला सांगितले.

बॉलिवूडमधल्या अशा गोष्टींचा आपण विरोध केल्याचे देखील मल्लिकाने सांगितले आहे. ‘मी एक स्वाभिमानी महिला आहे. कुठल्याही परिस्थितीशी मी तडजोड करत नाही. अनेकदा मला चित्रपटाच्याा निर्मात्यांनी दिग्दर्शकांनी रात्री भेटायला बोलावले पण मी गेले नाही. जर मी बॉलिवूडमधल्या या प्रवाहासोबत चालले असते तर मी आज बॉलिवूडमध्ये वेगळ्या ठिकाणी असते’, असे देखील मल्लिकाने सांगितले.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…
अधिक वाचा: ३०८ गर्लफ्रेंड बनवण्यासाठी संजय दत्त ने वापरली हि युक्ती… पहा काय होती आयडिया?
अधिक वाचा: जयडी मामीने केला खुलासा या कारणासाठी लागीर झाल जी मालिका सोडली

समजावून घ्या सिलिंगचा कायदा आणि त्याबद्दलचे काही मुद्दे..

१) शेतजमिनीची कमाल धारणा ठरवणारा हा कायदा आहे. (शेतीव्यतिरिक्त जमिनींना असा कोणताच कायदा लागू नाही)
२) हा कायदा राज्य सरकारच्या अखत्यारीत आहे.
3) महाराष्ट्रात, एक पीक (कोरडवाहू) 54 एकर, दोन पीक (बागायत) 18 एकर व बारमाही पाणी 8 एकर, अशी कमाल जमीनधारणा निर्धारित केली आहे.
४) हा कायदा संविधानाच्या परिशिष्ट ९ मध्ये समाविष्ट केला असल्यामुळे त्याविरुद्ध न्यायालयात दाद मागता येत नाही.
५) हा कायदा कंपन्यांवरही लागू आहे.
६) जगातील अपवाद सोडले तर बहुतेक देशात असा कायदा नाही.

७) या कायद्याने शेतकऱयांच्या मालमत्ता धारण करण्याच्या अधिकारावर व व्यवसाय स्वातंत्र्यावर बाधा आणली
८) शेती धंदा तोट्यात ठेवला, वरती सिलिंगचे बंधन यामुळे शेतजमिनीचे विखंडन होत गेले. आज स्थिती बिकट झाली आहे.
९) या कायद्यामुळे कर्तबगार, धाडसी व्यावसायिकांनी शेतीकडे पाठ केली.
१०) शेतीव्ययवसायाचा विकास गोठवणार्या या कायद्यामुळे शेतीत गुंतवणूक कारणाऱयांनी हात आखडता घेतला.
११) जमिनीचे क्षेत्र खूपच लहान झाल्यामुळे नवे तंत्रज्ञान पेलण्याची शक्ती राहिली नाही.
१२) गट शेतीतून जन्माला आलेल्या ‘शेतकरी उत्पादक कंपन्यांना’ या कायद्यातून वगळले तरी भारतातील शेतीच्या पुनर्रचनेची सुरुवात होऊ शकते व हा निर्णय राज्य सरकारने करायचा आहे.

सिलिंग कायदा – काही मुद्दे

सिलिंग (1) : पक्षपात करणारा कायदा

बिगर शेतकऱयांना कितीही मालमत्ता बाळगता येते, शेतकऱ्यावर मात्र सिलिंगचे निर्बंध.
कोरडवाहू असाल तर 54 एकर पेक्षा जास्त जमीन बाळगता येत नाही, असा हा कायदा आहे.
1 कोटी रुपये एकरी भाव धरला तरी 54 एकरचे 54 कोटी होतात.(आज 54 एकरचे मालक दुर्मिळ झाले आहेत) या उलट अंबानीची मालमत्ता कित्तेक लाख कोटींची आहे, ती त्यांना खुशाल बाळगता येते!

सिलिंग (२) जमिनीवर नाही, केवळ शेतजमिनीवर आहे.

सिलिंगचा कायदा उठला तर ‘भांडवलदार’ येतील व शेतकऱयांच्या जमिनी काढून घेतील, अशी एक भाबडी समजूत आहे, ही समजुत तपासून घेण्यासाठी हे लक्षात घ्यायला हवे की, सिलिंगचा कायदा हा केवळ शेतजमिनीसाठी लागू होतो. जमिनीसाठी नाही. तथाकथित भांडवलदारांना आजही कोणाचीही व कितीही जमीन विकत घेण्यास मज्जाव नाही. अनेक करखानदाराकडे आजही हजारो एकर जमीन आहे. कोणालाही कितीही जमीन घेता येते फक्त शेतीसाठी मनाई आहे.

सिलिंग (३) भांडवल गुंतवणुकीला अडथळा

आपल्या देशात सरासरी होल्डिंग आता एक हेक्टरच्या आत आहे. ८५ टक्के शेतकरी अल्प भूधारक आहेत. शेती व्यवस्थेचे हे वास्तव भीषण आहे.

सिलिंग (४)- जमीन फेरवाटपाचे गौडबंगाल

स्वातंत्र्याची पहाट होत असतांना जमिनीच्या फेरवाटपाची मागणी पुढे आली. भूमिहीनाना जमिनी मिळाव्यात यासाठी कमाल जमीन धारणा ठरवण्याचा आग्रह सुरु झाला. भूमिहीनाना जमिनी देण्यासाठी शेतकऱ्याकडून जमिनी काढून घेणे आवश्यक होते का? मला वाटते, नाही.

सिलिंग (५) मूळ घटनेची मान्यता नसलेला कायदा

सिलिंग (6) 2 एकर कोरडवाहू जमिनीवर जगून दाखवा.

सिलिंग (7) निरर्थक भीतीचा बागलबुवा

बडे भांडवलदार येऊन गोरगरिब शेतकार्यांच्या जमिनी बाळकावतील मग हा गरीब शेतकरी भूमिहीन होऊन भुकेकंगाल होतील’ असा प्रचार बिगर शेतकरी बुद्धिवंतांकडून केला जातो, तो प्रचार अज्ञानावर आधारित आणि फसवा आहे.

अमर हबीब,
किसानपुत्र आंदोलन
8411909909

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

मुंबईच्या नितीन सोबत जे झाले ते वाचून तुम्ही कोणालाही लिफ्ट देण्याच्या अगोदर शंभर वेळा विचार कराल..

आपल्यापैकी अनेकांना दुचाकीवर किंवा चारचाकी मध्ये कुठे बाहेर जाताना कोणी रस्त्यात लिफ्ट मागितली तर ती देण्याची सवय असते. आपण विचार करतो की एकटं जाण्याऐवजी आपण लिफ्ट दिली तर आपलं कुठे काय नुकसान होणार आहे. उलट काही तरी चांगलं काम आपल्या हातून घडलं अशी आपली भावना असते. रस्त्यावरील लोकांची लिफ्ट देऊन एकप्रकारे सेवा केल्याची भावना आपण ठेवतो. पण आज आपण एक असा अनुभव वाचणार आहोत जो वाचून तुम्ही यानंतर कोणालाही लिफ्ट देण्याच्या अगोदर शंभर वेळा विचार कराल. कारण एखाद्या अनोळखी व्यक्तीला लिफ्ट देणं तुमच्यासाठी महागात पडू शकते. खासरेवर जाणून घेऊया नेमकं कसं महागात पडू शकते..

रस्त्यावरून गाडीमध्ये किंवा गाडीवर जाताना लिफ्ट देण्याच्या अगोदर विचार करा कारण अनोळखी व्यक्तीला लिफ्ट देणे कायद्याने गुन्हा आहे. तुम्हाला अनोळखी व्यक्तीस गाडीत बसवणे चलन देण्यास कारणीभूत ठरू शकते. लिफ्ट देऊन तुम्ही एकप्रकारे एक अपराध करताय असं म्हणलं तर वावगं ठरणार नाही.

याचे ताजे उदाहरण म्हणजे मुंबईचा नितीन आहेत. एका नामांकित सॉफ्टवेअर कंपनीत नोकरी करणारे नितीन रोज आपल्या कारने ऑफिसला जातो. रस्त्यात जाणाऱ्या अनेकांना लिफ्ट देण्याची त्यांची सवय आहे. नेहमीप्रमाणे 18 जूनला ते ऑफिसला जात होते. पाऊस चालू होता, रस्त्यात दोघांनी त्यांच्या गाडीला हाथ दाखवला आणि त्यांनीही गाडी थांबवली आणि त्यांना बसवलं. थोडं पुढे गेल्यावर ट्राफिक पोलिसांनी गाडी अडवली आणि लायसेन्स मागितले. पोलिसांनी बसलेले लोक कोण आहेत असा प्रश्न केला. तर नितीन यांनी लिफ्ट दिल्याचे सांगितले. पोलिसांनी त्यांना चलन भरण्यास सांगितले. कारण मोटर व्हेहिकल ऍक्ट 66/192 नुसार अनोळखी माणसाला गाडीत बसवल्याबद्दल त्यांचं 2000 रुपयांचं चलन कापण्यात आलं.

आणि धक्कादायक म्हणजे हर कलम लावल्यानंतर तुमचं लायसन्स जप्त होतं आणि ते आपल्याला कोर्टातूनच परत मिळते. यामुळे नितीन यांना कोर्टात चक्कर मारावी लागली. त्यांना तब्बल 5 दिवसांनी आपलं लायसन्स परत मिळालं. त्यांनी फेसबुकद्वारे ही घटना लोकांना सांगितली. त्यांची ही पोस्ट मोठ्या प्रमाणावर शेअर केली जात आहे.

नवी मुंबई पोलिसांकडून घटनेची सत्यता जाणून घेण्याचा प्रयत्न केला असता त्यांनी याला होकार दिला. घटना खरी असल्याचे सांगितले. आपल्या खाजगी वाहनात अनोळखी व्यक्तीला लिफ्ट देणे व्यावसायिक मानले जाते. खाजगी वाहनात व्यावसायिक वाहतूक गुन्हा आहे.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

तुम्हाला माहिती आहे का वेश्यांचे जीवन कसे असते? जाणून घ्या काही धक्कादायक माहिती…

आपल्या देशात वेश्या व्यवसायाला अतिशय खालच्या दर्जाचं काम मानलं जातं. जे लोकं या या व्यवसायाशी संबंधित असतात त्यांच्याकडे पण एकदम गलिच्छ नजरेने बघितले जाते. हा एक असा पेशा आहे जिथे एकदा शिरल्यावर पुन्हा बाहेर निघणे अशक्य असल्यासारखे आहे. क्वचितच जगात असा एखादा देश असेल जिथे वेश्यावृत्ती नसेल. काही ठिकाणी वेश्याव्यवसाय हा चोरून होतो तर काही ठिकाणी याला कायदेशीर मान्यता सुद्धा आहे. असाच एक देश हा बांग्लादेश आहे जिथे याला कायदेशीर मान्यता मिळालेली आहे. बांग्लादेशला जगातील सर्वात मोठा वेश्याव्यवसाय असलेला देश मानले जाते.

बांग्लादेश मध्ये अनेक असे वेश्यालय आहेत जे जवळपास 200 वर्षे जुने आहेत. यापैकी एक आहे तंगेल जिल्ह्यातील कांडापारा परिसरातील वेश्या वस्ती जी सर्वात जुनी आणि दुसऱ्या क्रमांकाची वेश्या वस्ती मानली जाते. बांग्लादेश सरकारने या ठिकाणाला 2014 मध्ये नष्ट केले होते. आता तेथील काही संघटना मिळून पुन्हा ते चालू करत आहेत. इथे काम करणाऱ्या महिलांनी स्वीकार केला आहे की त्यांना तिथेच काम करणे जास्त पसंत आहे.

इथे काम करणाऱ्या काही सेक्स वर्करनी सरकारने दिलेल्या आपल्या अधिकारांची मागणी सुद्धा केली आहे. बांग्लादेश नॅशनल वूमन लॉयर्स असोसिएशननर सुद्धा हे प्रकरण गंभीरपणे घेत उच्चन्यायालयात हे अवैध असल्याचे सांगितले आहे. सर्व सेक्स वर्कर्स यानंतर आपल्या घरी परतल्या आहेत.

कसे असते वेश्याचे जीवन?

जेव्हा पण या धंद्यात नवीन मुलगी आणली जाते तेव्हा तिला सुरुवातीला बंदी बनवून ठेवले जाते. आलेली मुलगी जेव्हा 12-14 वर्षाची होते तेव्हा तिला जबरदस्तीने या धंद्यात उतरवले जाते. ती आपल्या मनाने कोणतेच काम करू शकत नाही. ती कोठ्याच्या मालकिणीच्या मनावर सर्व कामे करते. या मुलींना तोपर्यंत या धंद्यात ठेवले जाते जोपर्यंत त्यांना खरेदी करण्यासाठी दिलेले पैसे वापस मिळत नाहीत. कर्ज चुकवेपर्यंत त्यांना या धंद्याची सवय लागून जाते.

कर्ज फिरल्यावर मुली आपल्या मनावर काम करण्यास स्वतंत्र असतात. त्या आपल्या ग्राहकांची निवड स्वतःच करतात. त्यांचं मन नसेल तर त्या ग्राहकांना नकार सुद्धा देतात. त्यांना वाटलं तर त्या अन्य काम सुद्धा करू शकतात आणि करतात. पण एकदा समाजातून बहिष्कृत केल्यानंतर तिथे परत जाणे जवळपास अशक्य आहे.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

वाचा दुधवाली बेबी पाटणकर कशी बनली १०० करोडची मालकीण असलेली ड्रग माफिया..

तिच्या कडे बघितले तर तुम्हाला कधीही वाटणार नाही कि हि कोणत्या गैर व्यवहारात असेल. पन्नाशीतील हि महिला मुंबईतील सर्वात मोठी ड्रग माफिया आहे. ‘बेबी पाटणकर का इंतजार तो ग्यारह जिलों की पुलिस कर रही है… लेकिन बेबी को पकडना मुश्कील ही नही… नामुमकीन भी है…’ कारण ती कुणी साधीसुधी बाई नाहीय… तर ती आहे देशातील सर्वांत मोठी महिला ड्रग्ज तस्कर…

गेली 30 वर्ष बेबीनं अंमली पदार्थ तस्करीच्या धंद्यात घालवलीयत. या गोरखधंद्यातून तिनं करोडो रूपयांची कमाई केली. वरळीच्या सिद्धार्थ नगरातल्या बेबीचं घर म्हणजे घर नाही तर तब्बल 24 खोल्यांचा बंगला आहे. यावरून तिच्या साम्राज्याची आणि दहशतीची कल्पना तुम्हाला येऊ शकेल. म्याऊ म्याऊ नावाचा अमली पदार्थ मुंबई मध्ये सर्वात जास्त विक्री कोणी केली असेल तर ती आहे बेबी पाटणकर तिचे खरे नाव शशिकला पाटणकर हे आहे. परंतु संपूर्ण मुंबईत ड्रगच्या धंद्यातील लोक तिला बेबी नावाने ओळखतात.

दारोदारी दुध वाटणारी बेबी ८०च्या दशकात या धंद्यात आली. तिने ३० वर्षात करोडोची संपत्ती जमा केली आहे. बाकी अमली पदार्थाच्या तुलनेत म्याऊ म्याऊ या पदार्थाची किंमत अतिशय कमी आहे. लवकर पैसा कमविण्याच्या नादात तिने सुरवातीला गांजा, हशीश ब्राऊन शुगर असे पदार्थ कॉलेज समोर विकायला सुरवात केली. मध्य प्रदेश व राजस्थान पर्यंत तिचे जाळे होते येथून ती माल बोलवत असे.

बेबी पाटणकरची महाराष्ट्रातली संपत्तीच चक्रावून टाकणारी आहे. वरळी सिद्धार्थ नगर येथे २४ खोल्यांचे घर मुंबई, नवी मुंबई येथे बेनामी फ्लॅटस्र, रत्नागिरी, चिपळूण, वेंगुर्ला, सावंतवाडीत घरे आणि जागा, एक स्विफ्ट गाडी, एक टाटा मांझा गाडी, दोन टू व्हिलर आणि बेनामी महागड्या गाड्या, बेबीच्या अकाऊंटमध्ये सापडले ९७ लाख रुपये

बेबी पाटणकरचे पोलिसांशी घनिष्ठ संबंध होते. तिच्या नावाखाली अनेक वेळा पोलिसांनी कोट्यवधी रुपयांच्या अंमली पदार्थांची तस्करी केलीय. तर पोलीस दलात राहून राजकीय नेत्यांच्या खास माणसांशी जवळीक साधून, धर्मराज आणि बेबीनं अनेक अडथळे दूर करत अंमली पदार्थ तस्करी करुन मिळणाऱ्या काळ्या पैशांतून देशभरात कोट्यावधी रुपयांची संपत्ती बनवली.

आपण जो काळा व्यवसाय करतोय त्यात कधी ही आपल्याला अटक होऊ शकते हे लक्षात घेऊन धर्मराज काळोखे आणि बेबी पाटणकर यांचे कुटूंब ऐशो-आरामाचं आयुष्य जगत होते. सचिन तेंडुलकरची शेवटी मॅच असो की, आयपीएलच्या मॅच असो अगदी व्हीआयपी तिकिटांवर त्यांनी मॅच बघितल्या आहेत. शिवाय पिकनिक म्हणून देशभर भ्रमंतीदेखील केलीय.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…