बाळासाहेबाच्या ह्या आदेशामुळे दादा कोंडके सगळ्यापर्यंत पोहचले..

दोन प्रतिभावान व्यक्ती, अर्थातच दोन तलवारी एकाच म्यानात फार काळ राहात नाहीत, असे म्हणतात. पण अभिनयसम्राट दादा कोंडके आणि शिवसेनाप्रमुख बाळासाहेब ठाकरे यांची मैत्री याला अपवाद ठरली. बाळासाहेबांचे मराठी विषयाचे प्रेम आणि रसिकता यामुळे त्‍यांच्‍यात आणि दादांमध्‍ये विशेष जवळीक होती. दोघांमध्ये एक समान दुवा. तो म्हणजे भाषेवरची हुकमत आणि जनमानसाच्या मनाचा ठाव घेणारा हजरजबाबीपणा.

चित्रपट मुंबईमध्‍ये लावण्‍यात यावा यासाठी बाळासाहेबांनी शिवसैनिकांना ‘मराठा मंदिर’ वर राडा करण्‍याचा आदेश सोडला होता. दादा कोंडके यांचा आज जन्‍मदिवस आहे. त्‍यानिमित्‍त बाळासाहेब आणि दादा कोंडके यांच्‍यातील हा किस्सा आपण जाणून घेऊयात. साधारण १९७३-७४चा तो काळ. त्या काळात मराठी मानूस चित्रपट सृष्टीत असला तरीही, त्यावर अधिकाराज्य होते ते हिंदी भाषकांचेच. त्यामुळे मराठी मानसाचे बॅनरवाले चित्रपट वगळता इतरांचे चित्रपट थिएटरला लावायला थिएटर मालकांचा नकार असे. त्यात ‘सोंगाड्या’ हा दादांचा पहिलाच चित्रपट. दादांना चित्रपट प्रदर्शीत करण्याचा ना अनुभव होता ना त्यांच्याकडे पैसा होता. त्यामुळे ‘कोहिनूर’ चित्रपटगृहाच्या मालकाने दादांचा चित्रपट प्रदर्शीत करण्यास नकार दिला. दादांचा ‘सोंगाड्या’ आणि ‘एकटा जीव..’ भारतमातामध्‍येच लागले, पण फार कमाई झाली नाही. त्याचे कारण म्हणजे हे थिएटर लहान, त्यात तिकीट दीड रुपया अन् अडीच रुपये होते.

राम राम गंगाराम’ च्या वेळी दादांना दादरचे मराठा मंदिर हवे होते, पण मराठा मंदिरचा पारशी मालक त्यासाठी तयार नव्‍हता. त्याचवेळी ‘हाथी मेरे साथी’ आणि ‘बॉबी’ हे दोन सिनेमे प्रदर्शित होणार होते. दादांनी मराठा मंदिरचा मालक फिरदोस तारापोरवाला बरोबर चार महिने आधी ‘मॉर्निंग शो’चा करार केला होता. पण करारानंतरही तारापोरवाल्‍याने दादांकडे पाठ फिरवली. दादांचा पहिलाच चित्रपट प्रदर्शनासाठी थिएटर न मिळाल्यामुळे रखडतो की काय, अशी स्थिती निर्माण झाली.दादांनी तारापोरवाल्याला थिएटरवर जाऊन हात जोडले, पण तो ऐकून घेत नव्‍हता. तारापोरवाल्याने गुंड बोलावले. दादांना बाहेर काढले. मग दादा थेट बाळासाहेबांकडे गेले. दरम्यान, मुंबईत शिवसेनेचा बोलबाला वाढत होता. दादांनी थेट शिवसेनाप्रमुख बाळासाहेब ठाकरे यांची भेट घेतली. मराठी मानसाचा चित्रपट प्रदर्शीत करायला थिएटरमालक नकार देतो. ही गोष्ट बाळासाहेबांना खटकली.

बाळासाहेब आपल्‍या खास शैलीत म्‍हणाले होते, ‘रडताय काय असे, त्या तारापोरवाल्याचा पायजमा फाडून तुमच्या हातात देतो. थांबा जरा. बाळासाहेबांनी लगेच छगन भुजबळ आणि मोहन रावलेंना बोलावून घेतले. आत्ताच्या आत्ता त्या पारश्याला उचलून माझ्यापुढे आणा आणि मराठा मंदिरवरचे बॉबीचे पोस्टर काढा, असा आदेश दिला. अर्ध्याच तासात मोहन रावळेंनी तारापोरवाल्याला बखोटीला धरून साहेबांपुढे आणले. तिकडे भुजबळांनी पोस्टर उतरवले होते.

बाळासाहेब ठाकरे यांनी तारापोरवाल्याला कडक शब्दात सुनावले. ‘चर्चा नको, दादा कोंडकें यांचा सिनेमा लावायचा! कळलं.. अन् फक्त मॉर्निंग नाही, चारही शो! मी सांगेपर्यंत सिनेमा उतरवायचा नाही! नाही तर तुला तुझ्या थिएटरसकट उतरवीन! बाळासाहेब म्हणाले होते, ‘चला निघा आता!’ पारशी उठला. पार गळपटला होता. रावळेंनीच त्याला धरून बाहेर आणले. मराठा मंदिरला सिनेमा लागला अन् अक्षरश: धो धो चालला.

स्पर्धेतले बॉबी अन् हाथी मेरे साथी सुपर हिट झालेच, पण राम राम गंगाराम सिल्व्हर ज्युबीली हिट झाला. त्यावेळी टॅक्स फ्रीची भानगड नव्हती. या चित्रपटानेच दादांना कमाई आणि प्रसिद्धी दिली. हा सिनेमा सिल्व्हर ज्युबीली हिट झाल्यावर स्पेशल शोला बाळासाहेब ठाकरे देखील आले होते. त्यावेळी तारापोरवाला याने दादांना मिठी मारून आता यापुढे दादाचा प्रत्‍येक सिनेमा आपण आधी लावणार अशी ग्वाही बाळासाहेबांना दिली होती.

बाळासाहेबांच्या आदेशाने ‘सोंगाड्या’ ‘कोहिनूर’ला झळकला त्या दिवसापासून दादा, शिवसेना आणि शिवसेना प्रमुख बाळासाहेब ठाकरे हे नाते घट्ट झाले. इतके की, बाळासाहेब जेव्हा नाराज असत तेव्हा त्यांच्या खोलीत एकाच मानसाला प्रवेश असे, ते म्हणजे दादा कोंडके. बाळासाहेबांनीही दादांची मैत्री अखेरपर्यंत सांभाळली. इतकी की दादांचे निधन झाल्यावर बऱ्याच वर्षांनी शिवतिर्थावर अखेरचे भाषण करतानाही बाळासाहेबांनी दादा कोंडके यांची आठवण काढली होती.

किस्सा आवडल्यास अवश्य शेअर करा…

दादा कोंडके यांच्या विषयी सामान्यांना माहिती नसलेल्या दहा गोष्टी..

आज दादा कोंडकेची जयंती,
महाराष्ट्रातील ३५ ते ४० वयोगटातील लोक किंवा वयस्कर लोकाकरिता आजही दादा कोंडके एक महान व्यक्तिमत्व म्हणून आहे.
अभिनयाचा हुकमी एक्का, विनोदाचा बादशाह, गीतकार ,लेखक एक मध्यम वर्गीय भोळ्या माणसाला त्यांनी चित्रपटसुष्टीच्या पडद्यावर अनेक काळ रेखाटल. पोट मारून कमाई करणारे आणि त्यानंतर मनोरंजनाकरिता सिनेमा गृहात जाणार्या दर्शकाचे दादा हक्काचा माणूस होता. त्या लोकांना काहीही करून हसवणे हे दादाला चांगल जमत होत. त्यांचे ९ सिनेमे त्या काळात २५ आठवड्यापेक्षा जास्त सिनेमा गृहात चालले. याची गिनीज बुकात नोंद आहे. मराठी सिनेमा अच्युत उंचीवर दादांनी नेला तेच याचे विधाते होते. लक्ष्मीकांत बर्डे हे दादापासूनच प्रभावित होते. हिंदी चित्रपट सृष्टीने हीच चाबी पकडून समोर चालू ठेवली व गोविंदा सुद्धा हीच शैली वापरत होता.

तेव्हा सुद्धा दादांना या विषयी बराच विरोध झाला. स्त्रियांचा अपमान हा मुख्य विषय, पशात्य कपड्यात नाचणाऱ्या नटी समोर दादाचे भोळा मराठी माणूस उठून दिसत होता.द्विअर्थी शब्द हे दादानीच सिनेमात आणले.

त्यांनी महाराष्ट्रात सिनेमामध्ये अनेक कीर्तिमान केले. चला आता बघूया कृष्णा दादा कोंडके उर्फ दादा कोंडके यांच्या बद्दल माहिती..

८ ऑगस्ट १९३२ साली दादा कोंडके यांचा जन्मदिवस त्यांचा पहिला सिनेमा तांबडी माती १९६९ मध्ये प्रदर्शित झाला. चंदू जमादार,राम राम गंगाराम, राम राम अन्थाराम , एकटा जीव सदाशिव, तुमच आमच जमल, अंधेरी रात मी दिया तेरी हात मे या काही प्रसिध्द सिनेमात ते मुख्य भूमिकेत होते.
१९९४ मध्ये आलेला सिनेमा सासरच धोतर हा त्यांचा शेवटचा सिनेमा होता. त्याची निर्मिती दादानेच केली होती.

याच्या व्यतिरिक्त १० गोष्टी ज्या दादा कोंडके विषयी सर्वाना माहिती असायला हव्या

१.मराठी नाटक विच्छा माझी पुरी करा ची सुरवात १९६५ मध्ये झाली या मधूनच दादांना जास्त ओळख मिळाली. या नाटकाला वसंत सबनीस यांनी लिहले होते. Anti Establishment या विषयावर हे नाटक होते. नाटकात राजा,नर्तकी व मूर्ख कोतवाल याच्यात दाखवलेली आहे. या नाटकाचे जवळपास १५०० प्रयोग झाले होते. याचा आखरी प्रयोग मार्च १९७५ मध्ये हैद्राबाद ला झाले.

२.सन १९७५ मध्ये पांडू हवलदार हा सिनेमा आला. यामध्ये त्यांनी पांडू नावच पात्र केल. त्यानंतर महाराष्ट्रात पोलिसांना पांडू लोक संबोधू लागले.

३.दादा व जब्बार पटेल यांचा वाद लोकप्रिय होता कारण दादाची लोकप्रियतेवर हिंदी चित्रपट सृष्टी नेहमी बोटे मोडत.

४.दादाचे वडील गिरणी कामगार होतें, त्यांचे सुरवातीचे जीवन लालबाग मधील चाळीत गेले. दादांची संपूर्ण भागात भिती होती. दादांनी स्वतः सांगितले होते “ लालबाग मध्ये मी दादा होतो, कोणीही दादागिरी केल्यास सोडा बोतल ते गोटे इत्यादी साहित्य मी भांडणात वापरले आहे.”

५.दादा निर्मित पहिला सिनेमा सोंगाड्या १९७१ मध्ये आला. नाम्या नावक युवकाचे पात्र जो कलावतीच्या प्रेमात अखंड बुडाला. सोंगाड्या भयंकर हिट झाला तेव्हापासून भोळा नायक हि मुख्य शैली दादांनी सुरु ठेवली. कोहिनूर सिनेमाच्या मालकांनी दादांच्या (सोंगाड्याच्या) आगाऊ आरक्षणाला बगल देऊन देवानंदचा ‘तीन देवियाँ’ हा चित्रपट प्रदर्शित करण्याचे ठरवले. दादांनी बाळासाहेब ठाकरेंना साकडे घातले…… मग काय विचारता; शिवसैनिकांनी कोहिनूर बाहेर “राडा” घातला! कोहिनूरच्या मालकांना सेनेचा दणका मिळताच ‘सोंगाड्या’ प्रदर्शित करावयाचे सोंग आणावे लागले…… पण सोंगाड्या सुपर डुपर हिट्ट ठरला व मरगळलेल्या मराठी चित्रपटसृष्टीत खळबळ माजली.

६.त्यानंतर दादा शिवसेनेच्या सभेत दादा स्टेजवर भाषणे देत. लोक त्यांच्यावर जीवापाड प्रेम करत व सभेना भयंकर गर्दी होत असे.

७.१९८६ मध्ये आलेला सिनेमा अंधेरी रात मी दिया तेरे हात मै , गुल्लू नावाचा हा मुख्य पात्र सिनेमातील उषा चव्हाण या सिनेमात अभिनेत्रीच्या भूमिकेत होत्या. दादा सोबत जास्तीत जास्त सिनेमात उषा चव्हाण ह्या होत्या. मेहमूद हे खलनायकच्या भूमिकेत या चित्रपटात होते.

८.दादाचे वडील मुळचे मुंबईचे नाही ते कामानिमित्त आले होते. लागोपाठ ९ मराठी चित्रपटांच्या रौप्यमहोत्सवी आठवड्यांचे ‘गिनीज बुक ऑफ वर्ल्ड रेकॉर्ड’ त्यांनी केले.

९.दादांना एका भविष्यावाल्यांनि सांगितले होते तू आयुष्यात कधीही प्रगती करणार नाही परंतु दादा चाळी पासून शिवाजी पार्क मध्ये मोठ्या बंगल्या पर्यंत पोहचले.

१०.त्यांना महाराष्ट्राचे मुख्यमंत्री व्हायचं स्वप्न होते. त्यांनी याची कबुली स्वतः एका मुलाखतीत दिली होती. हे स्वंप्न दादाचे अपूर्णच राहिले. मृत्यूनंतरही वादांनी दादांचा पिच्छा पुरवला. वाद होता दादांच्या वारसा हक्कांबाबत. दादांनी मृत्युपत्रात आपली संपत्तीची कार्यवाह म्हणून एक संस्था स्थापन केली होती / करायला सांगितले होते. विश्वस्त म्हणून उषा चव्हाण, डॉ. अनिल वाकणकर, साबीर शेख ( त्या काळचे कामगार मंत्री), गजानन शिर्के व वसंत भालेकरांचा समावेश होता. पुढे दादांच्या वारसांनी त्यांच्या मृत्युपत्राला न्यायालयात आव्हान दिले व त्यांची सर्व संपत्ती वादग्रस्त ठरली.

गाढवाविषयी ह्या रंजकगोष्टी आपण कधीच वाचल्या नसतील..

गाढव म्हणजे निर्बुद्ध, असा समजच समाजात असल्यानं, काही चूक झाल्यास “गाढव आहेस, तुला काडीची अक्कल नाही.’ अशा शब्दात संभावना केली जाते. प्राथमिक शाळेत तर ढ विद्यार्थ्याची गणना गाढव म्हणूनच परंपरेनं केली जाते. गाढव हा प्राणी निर्बुद्ध तर नाहीच, उलट तो अधिक बुद्धिमान आणि माणसाच्या उपयोगाचा असतानाही, त्याच्यावर अन्याय होतो आहे. आज गाढवाविषयी काही रंजक गोष्टी वाचुया..

फार फार पूर्वी हिप्पोक्रेटस नावाचे एक भौतिक शास्त्रज्ञ कम पदार्थ वैज्ञानिक होते. अनेक शोधाच्या ह्या जनकाने गाढवाच्या दुधावरही रिसर्च केला होता. त्यांच्या मते गाढविणीच्या दुधात अनेक रोग दूर करण्याची शक्ती होती. हे ऐकल्यावर ग्रीस देशात त्या दुधात अंघोळ करण्याची फॅशन सुरु झाली. क्लिओपात्रा राणी रोज या दुधाने स्नान करायची. त्यासाठी व तिच्यासाठी 500 गधर्भिणींची खास सोय करण्यात आली होती. अन मित्रांनो क्लिओपात्रा ही एकटीच फॅशन कॉन्शस नव्हती तर रोमन राजा नेरोची दुसरी भार्या पोपी सबिना, नेपोलियन बोनापार्टची भगिनी पओलीना या दोघींही “गा” दुधात नहायच्या.

भारतीय लष्करात पर्वतीय प्रदेशात अरुंद पायवाटा असलेल्या ठाण्यापर्यंत शस्त्रापासून ते अन्नधान्यापर्यंतचा सारा पुरवठा गाढवांच्या जथ्यामार्फतच होतो. हिमालयातल्या अरुंद वाटातून गाढवांचे जथे व्यवस्थित तळापासून पंधरा सोळा हजार फूट उंचीपर्यंत पाठीवरची सामुग्री सुरक्षितपणे ठाण्यापर्यंत पोहोचवतात. वाटेत काही धोका निर्माण झाल्यास ही गाढवं पर्वताच्या भिंतीच्या बाजूला सुरक्षितपणे आश्रय घेतात. सामुग्री पोहोचवल्यावर रांगेनं गाढवांचे जथे पुन्हा खालच्या तळापर्यंत शिस्तीने येतात. लष्करात घोड्याइतकीच गाढवांचीही काळजी घेतली जाते.

प्राचीन आयुर्वेद शास्त्रातही गाढविणीचं दूध हे नवजात बालकांच्या प्रकृतीसाठी उत्तम असल्याचं मानलं आहे. बालदमा असलेल्या बालकांना गाढविणीचं दूध पाजलं जातं. गाढविणीच्या दुधात गाईपेक्षाही अधिक प्रथिनं असल्याचं वैद्यकशास्त्राचं मत असल्यानंच, आंध्रातल्या काही गाढवांच्या कळपांच्या मालकांनी, गाढविणीचं दूध विकायचाच धंदा सुरू केला आहे. सध्या गाढविणीचं हे दूध 2 हजार रुपये लिटर या किंमतीनं विकलं जातं. या दुधाला प्रचंड मागणी असल्यानं दुधासाठी महिलांच्या रांगाही लागतात. 200 रुपयांना 1 कप याप्रमाणं या दूधाची विक्री होते.

पुढ्यात गवत टाकले तर गाढव गवत खाते. काहीच घातले नाही आणि मोकळे सोडले तर थेट उकिरडा गाठते. उकिरडा फुंकूनही जगू शकते. खाण्याच्या बाबतीत काहीही चालणारे गाढव खराब पाणी अजिबात पीत नाही. नदीवर नेले , तर ते अनेकदा हुंगून नदीतले पाणी न पिता जवळ एखादा झरा असला तर तिकडे वळते. त्याच्यापुढे पाण्याची बादली ठेवली तरी ते बराचवेळ हुंगून हुंगून मगच पिते. दुष्काळाच्या धगीत अशा या गाढवाच्या उपासमारीचा प्रश्न येणार नाही. पण त्याला पाणी द्यावे लागेल. एखादा दिवस ते पाण्यावाचूनही काढू शकते ; परंतु बराच काळ पाणी मिळाले नाही , तर डिहायड्रेशन होऊन मरेल. ‘ उपरा ‘ कार लक्ष्मण माने म्हणतात , ‘ दुष्काळात माणूस जगला तर गाढव जगणं अवघड नाही. ‘

जगातला सर्वात श्रीमंत व्यक्ती, पेपरवेट म्हणून वापरायचा ५०० करोड रुपयाचा हिरा..

असफ झा याचे पूर्वज १७ व्या शतकात भारतात आले. त्यांनी मुगल साम्राज्यात काम केले, औरंगजेबच्या मृत्यूनंतर त्यांनी स्वतःचे स्वतंत्र हैदराबाद राज्य निर्माण केले आहे. सुमारे २२४ वर्षे यांनी हैदराबाद राज्यावर राज्य केले. या काळात सात शासकांनी राज्यावर राज्य केले आणि शेवटचा निझाम मीर उस्मान अली खान उर्फ ​​असफ जाह सातवा होता.

जगातील सर्वात श्रीमंत व्यक्ती मीर उस्मान अली खान,असफ झाह सातवा हे १९३० आणि १९४० च्या दशकातील २ अब्ज डॉलर्सच्या संपत्तीसह जगातील सर्वात श्रीमंत व्यक्ती होते. म्हणजेच अमेरिकेच्या संपत्तीचा २ टक्के हिस्सा एकट्या या राजाकडे होता.

डायमंड पेपरवेट त्याच्याकडे £ 50million किमतीचा हिरा होता. त्या हिऱ्याचा आकार शहामृगाच्या अंड्यासारखा आहे, ज्याचा वापर त्याने पेपरवेट म्हणून केला. Jacob Diamond हा पृथ्वीवरील ५ नंबरचा सर्वात महाग हिरा आहे.

नेहमीच विलक्षणपणे वागणे एवढा पैसा असूनही त्याचे वागणे विचित्र होते. एकदा त्याला नवीन ब्लॅंकेट हवे होते. म्हणून त्याने एका सेवकाला नवीन खरेदी करण्याचे आदेश दिले तेही २५ रुपयापेक्षा एकही रुपया जास्त (तेव्हाचे ३२ पैसे) खर्च न करता.

अजब मनोवृत्ती निजामाना नेहमी भीती वाटायची कि त्यांची संपत्ती हि जप्त होणार म्हणून आपली संपत्ती देशाच्या बाहेर नेण्याची योजना आखली होती. पण हि कल्पना सत्यात उतरणे कठीण असल्यामुळे त्यांनी हि गोष्ट न करण्याचे ठरविले.

एक वेगळी ओळख टाइम मासिकाने भारतातील सर्व राजांची ओळख करून देणारे साप्ताहिक काढले होते इतर राज्यातल्या जसे काश्मीर, जोधपूर बीकानेर, इंदूर, आणि भोपाळ इथल्या राजांचे तत्कालीन शासक म्हणून सर्वाची फोटो त्यात टाकण्यात आली. तो एकमेव राजा होता ज्याला ‘राजांचाही राजा’ म्हणून संबोधले होते; इतर सर्व राजे त्याला ‘महामहिम’ म्हणून संबोधित करण्यात आले होते.

राणी एलिझाबेथला हार भेट दिला राणी एलिझाबेथ-द्वितीय यांना उत्कृष्ट अशा हिऱ्याचा हार त्यांच्या लग्नात भेट म्हणून दिला. हार हा हैदराबादच्या निजामाचा हार म्हणून प्रसिद्ध आहे. हा हार राणीच्या खास संग्रहात आहे.

वेगवान रोल रॉयर्स कार राजा म्हटल तर गाडी येणारच त्याच्याकडे ५० वेगवान रोल्स रॉयस कार होत्या, ज्यामध्ये १९१२ साली तयार झालेली बार्कर-कोच रॉल्स रॉयल्स सिल्वर जिस्ट आहे. ह्या गाडीस चांदीचा मुलामा दिलेला आहे.

मोत्यांचा संग्रह राजाकडे मोती किती असाव याचा अंदाज हि आपण बंधू नये. ऑलम्पिक मधिल स्विमिंग पूल भरून जाईल एवढे त्याच्याकडे मोती होते.
जगातील पाचवा सर्वात मोठा हिरा निझामाकडे बहुमुल्य हिरे होते परंतु जॅकॉब डायमंड हा जगातील पाचव्या क्रमांकाचा मोठा हिरा आहे त्या संपूर्ण संग्रहाची शान वाढवत होता. ज्याचा वापर तो पेपरवेट म्हणून करत होता.

२०० पौंड दशलक्ष किंमतीचे दागिने निजामांच्या १७३ वेगवेगळ्या दागिन्यांची अंदाजे किंमत २०० दशलक्ष डॉलर्स होते परंतु १९९५ मध्ये ती ३३ मिलियन पौंड एवढ्या कमी किमतीने भारत सरकारने ते विकत घेतले. याच्या अनेक राजवाड्यामध्ये अर्धा मैलांचा एक कपाट होता त्यात त्याचे पोशाख राहत असे, जे उत्तम रेशीमाने बनलेले होते. आणखी एका राजवाड्यात एक मैल-लांब मेजवणीसाठी चा हॉल होता. दुसऱ्या एका राजमहालच्या तळमजल्यात एक धावपट्टी होती जिथे ट्रक आणि लॉरी पडून असत.आणि काही खोल्यात तर रत्ने, मोती आणि सोन्याची नाणी पूर्ण भरली असायची.

पदव्या त्यांच्या अधिकृत पदव्या – रुस्तम-ए-दौरान, अरुस्टू-ए-जमान, वॉल मामलुक, असफ जाह सातवा, मुजफ्फरूल-मुल्क-वॉल-मुमीलक, निजाम-उल-मुल्क, निजाम उद दौला नवाब मीर सर ओसमान अली खान बहादूर, सिपाह सौला, फतेह जंग, हैद्राबाद आणि बेरार चे निजाम,नाईट ग्रँड कमांडर ऑफ द एक्स्टेल्ड ऑर्डर ऑफ द स्टार ऑफ इंडिया, नाईट ग्रँड क्रॉस ऑफ द एक्सिलेंट ऑर्डर ऑफ दी ब्रिटीश एम्पायर,ऑनरेबल जनरल इन दि आर्मी, फेथफुल एली ऑफ द ब्रिटिश सरकार जर आज हा जिवंत असता तर त्याच्या आधार कार्डात एवढं सगळं कसं बसलं असत विचार करतोय..

त्याच्या 86 बायका, 100 अनौरस संतती मुले आणि 38 कर्मचारी ज्यांना फक्त राजवाड्यातील धूळ साफ करून दिवे लावण्याचे काम होते. निजामांचा पहिला नातू आणि त्याच्या सिंहासनावर वारसदार मुकर्रम जाम झाला – पण लवकरच तो आर्थिक अंदाधुंदीत बुडाला. मुकर्रम ऑस्ट्रेलियाला गेला आणि त्यांनी आपला बहुतेक पैसे मेंढी पालनासाठी खर्च पण तिथे सुद्धा अयशस्वी झाला. त्यांच्या अनुपस्थितीत,हैदराबाद मधील त्याच्या आजोबांची मौल्यवान मालमत्तेची चोरी झाली आणि त्या मौल्यवान कलाकृती रस्त्यावरच्या मार्केटवर काही रुपयांसाठी विकल्या गेल्या.

निजामाकचे ४००पेक्षा अधिक कायदेशीर वारस होते,हे लक्षात घेता त्यांच्या संपत्तीचा ३४ मुलांमध्ये आणि १०४ नातवंडांमध्ये मोठ्या प्रमाणात वाटप करण्यात आला. सध्या, त्यांचे वंशज अत्यंत गरीब परिस्थितीत एक अपार्टमेंट्समध्ये राहतात.
सत्ता आणि संपत्ती जास्त काळ टिकत नाही याचे योग्य उदाहरण हे आहे…. हा लेख आवडल्यास अवश्य शेअर करा…

यांनी सेव्ह केला तुमच्या मोबाईल मध्ये UIDAI नंबर .. चिंता करू नका हा खुलासा वाचा

युनिक आयडेंटिफिकेशन अ‍ॅथॉरिटी ऑफ इंडियाचा (यूआयडीएआय) हेल्पलाईन क्रमांक मोबाईलमध्ये ऑटोसेव्ह होऊ लागला आहे. त्यामुळे अनेकांनी हा सायबर हल्ला असल्याचे म्हटले होते. तसेच हा नंबर आपण सेव्ह केला नसल्याचे युआयडीएआयने स्पष्ट केल्यानंतर हॅकर्सनी डेटा चोरीसाठी असे केले असल्याचीही चर्चा सुरु होती. व देशभरातील मोबाईल वापरकर्त्यांच्या मनात एक भीतीचे वातावरण तयार झाले होते. पण हा नंबर कसा काय सेव्ह झाला याबद्दलचा खुलासा आता समोर आला आहे त्यामुळे मोबाईलधारकांनी चिंता करू नये.

गेल्या काही दिवसांपासून 18003001947 असा आधारचा हेल्पलाईन नंबर अचानक कॉन्टॅक्ट लिस्टमध्ये दिसू लागला. त्यानंतर हा नंबर हॅकर्सनी सेव्ह केला असल्याचेही म्हटले जात होते. मात्र, गुगलने सुरुवातीलाच २०१४ मध्ये त्यांच्या सेटअप विझार्डमध्ये आधार क्रमांक समाविष्ट केला होता. फोन बदलल्यानंतरही तो नव्या फोनमध्ये ट्रान्सफर झाला असल्याचे गुगलेन जाहीर केले आहे. २०१४ मध्ये OEM (स्मार्टफोन बनवणाऱ्या कंपन्यांना दिला जाणारा प्रोग्रॅम) ना दिला होता. ॲड्रॉइड ही ऑपरेटींग सिस्टीम गुगलने तयार केली आहे. याचा वापर स्मार्टफोन आणि टॅब्लेटमध्ये केला जातो.

गुगलने दिलेल्या स्पष्टीकरणात म्हटले आहे की, आम्ही अंतर्गत परिक्षण केले असता २०१४ मध्ये भारतातील स्मार्टफोन तयार करणाऱ्या कंपन्यांना दिलेल्या सेटअप विझार्डमध्ये आधारचा हेल्पलाईन क्रमांक आणि आपत्कालिन मदत क्रमांक ११२ यांचा समावेश केला होता. तेव्हापासून हे नंबर फोनमध्ये सेव्ह होत आहेत. यामुळे काही समस्या निर्माण झाली असेल तर आम्ही दिलगिरी व्यक्त करतो. तसेच यामुळे कोणाचाही फोन, डिव्हाईस अनधिकृतपणे वापरले नसून हा नंबर डिलिट करता येत असल्याचेही गुगलने सांगितले.नव्या अपडेटमध्ये सध्याच्या त्रुटी काढून टाकल्या जातील. येत्या काही आठवड्यांमध्ये स्मार्टफोन तयार करणाऱ्या कंपन्यांना नवीन सेटअप विझार्ड उपलब्ध करुन दिले जाईल असे गुगलने स्पष्ट केले.

गुगलच्या या खुलाश्या नंतर चिंता करावयाचे कोणतेही कारण नाही आहे.कारण हा नंबर कोणत्याही अनधिकृत मार्गाने आपल्या मोबाईल मध्ये सेव्ह नाही झाला. आणि आपण हा नंबर आपल्या मोबाईल मधून डिलीट सुद्धा करू शकतो. तसेच अनेक आयफोन वापरकर्त्यांच्या मोबाईल मध्ये हि हा नंबर मिळाला होता त्याबद्दल त्यांच्या मनात चिंता आहे. आयफोन आयओएस वर चालतात तर त्यामध्ये आधार नंबर कसा सेव्ह झाला असाही प्रश्न अनेकांना पडला आहे. ज्यांनी आयफोन वापरण्यापूर्वी ॲड्रॉईड फोन वापरले आहेत त्यांच्या कॉन्टॅक्ट लिस्टमध्ये आधीच ॲड झालेला नंबर फोन बदलल्यानंतर दुसऱ्या फोनमध्येही ट्रान्सफर झाला. त्यामुळे कोणतीही चिंता करायचे कारण नाही.

यांनी सेव्ह केला तुमच्या मोबाईल मध्ये UIDAI नंबर .. चिंता करू नका हा खुलासा वाचा

युनिक आयडेंटिफिकेशन अ‍ॅथॉरिटी ऑफ इंडियाचा (यूआयडीएआय) हेल्पलाईन क्रमांक मोबाईलमध्ये ऑटोसेव्ह होऊ लागला आहे. त्यामुळे अनेकांनी हा सायबर हल्ला असल्याचे म्हटले होते. तसेच हा नंबर आपण सेव्ह केला नसल्याचे युआयडीएआयने स्पष्ट केल्यानंतर हॅकर्सनी डेटा चोरीसाठी असे केले असल्याचीही चर्चा सुरु होती. व देशभरातील मोबाईल वापरकर्त्यांच्या मनात एक भीतीचे वातावरण तयार झाले होते. पण हा नंबर कसा काय सेव्ह झाला याबद्दलचा खुलासा आता समोर आला आहे त्यामुळे मोबाईलधारकांनी चिंता करू नये.

गेल्या काही दिवसांपासून 18003001947 असा आधारचा हेल्पलाईन नंबर अचानक कॉन्टॅक्ट लिस्टमध्ये दिसू लागला. त्यानंतर हा नंबर हॅकर्सनी सेव्ह केला असल्याचेही म्हटले जात होते. मात्र, गुगलने सुरुवातीलाच २०१४ मध्ये त्यांच्या सेटअप विझार्डमध्ये आधार क्रमांक समाविष्ट केला होता. फोन बदलल्यानंतरही तो नव्या फोनमध्ये ट्रान्सफर झाला असल्याचे गुगलेन जाहीर केले आहे. २०१४ मध्ये OEM (स्मार्टफोन बनवणाऱ्या कंपन्यांना दिला जाणारा प्रोग्रॅम) ना दिला होता. ॲड्रॉइड ही ऑपरेटींग सिस्टीम गुगलने तयार केली आहे. याचा वापर स्मार्टफोन आणि टॅब्लेटमध्ये केला जातो.

गुगलने दिलेल्या स्पष्टीकरणात म्हटले आहे की, आम्ही अंतर्गत परिक्षण केले असता २०१४ मध्ये भारतातील स्मार्टफोन तयार करणाऱ्या कंपन्यांना दिलेल्या सेटअप विझार्डमध्ये आधारचा हेल्पलाईन क्रमांक आणि आपत्कालिन मदत क्रमांक ११२ यांचा समावेश केला होता. तेव्हापासून हे नंबर फोनमध्ये सेव्ह होत आहेत. यामुळे काही समस्या निर्माण झाली असेल तर आम्ही दिलगिरी व्यक्त करतो. तसेच यामुळे कोणाचाही फोन, डिव्हाईस अनधिकृतपणे वापरले नसून हा नंबर डिलिट करता येत असल्याचेही गुगलने सांगितले.नव्या अपडेटमध्ये सध्याच्या त्रुटी काढून टाकल्या जातील. येत्या काही आठवड्यांमध्ये स्मार्टफोन तयार करणाऱ्या कंपन्यांना नवीन सेटअप विझार्ड उपलब्ध करुन दिले जाईल असे गुगलने स्पष्ट केले.

गुगलच्या या खुलाश्या नंतर चिंता करावयाचे कोणतेही कारण नाही आहे.कारण हा नंबर कोणत्याही अनधिकृत मार्गाने आपल्या मोबाईल मध्ये सेव्ह नाही झाला. आणि आपण हा नंबर आपल्या मोबाईल मधून डिलीट सुद्धा करू शकतो. तसेच अनेक आयफोन वापरकर्त्यांच्या मोबाईल मध्ये हि हा नंबर मिळाला होता त्याबद्दल त्यांच्या मनात चिंता आहे. आयफोन आयओएस वर चालतात तर त्यामध्ये आधार नंबर कसा सेव्ह झाला असाही प्रश्न अनेकांना पडला आहे. ज्यांनी आयफोन वापरण्यापूर्वी ॲड्रॉईड फोन वापरले आहेत त्यांच्या कॉन्टॅक्ट लिस्टमध्ये आधीच ॲड झालेला नंबर फोन बदलल्यानंतर दुसऱ्या फोनमध्येही ट्रान्सफर झाला. त्यामुळे कोणतीही चिंता करायचे कारण नाही.

आपल्या मोबाईल मधील कॉन्टॅक्ट लिस्ट मध्ये हा नंबर सेव्ह झाला असेल तर सावधान !

आधार कार्डच्या नंबर वरून माहिती चोरल्या जाऊ शकत नाही असे म्हणत ट्राय चे अध्यक्ष आर एस शर्मा यांनी ट्विटर वर हकेर्स ना चालेंज दिले होते आणी त्यात त्यांची सर्व माहिती सार्वजनिक झाल्याने भारतीय जनमानसात आधार बद्दल एक भीतीचे वातावरण तयार झाले होतेच कि एक नवीन प्रकार सध्या समोर आला आहे. युनिक आयडेंटिफिकेशन अथॉरिटी ऑफ इंडिया च्या UIDAI या नावाने 18003001947 हा हेल्पलाईन क्रमांक बहुसंख्याच्या मोबाईल मध्ये सेव्ह झाला आहे. हा क्रमांक तुमच्या मोबाईल कॉन्टॅक्टमध्ये सेव्ह झाला असेल तर सावधान. कारण हा क्रमाक UIDAI शी संबधित नाही आहे.

हा क्रमाक मोबाईल मध्ये सेव्ह होण्याची घटना अत्यंत धोकादायक आहे कारण आपल्या परवानगी शिवाय आपल्या लिस्ट मध्ये हा नंबर सेव्ह झाला आहे. या प्रकाराने आपल्या मोबाईलची गुप्तता धोक्यात आली आहे. या घटनेनंतर UIDAI ने आपल्या आधिकारिक ट्विटर खात्यावर जाहीर केले आहे कि त्यांचा 18003001947 हा क्रमांक टोलफ्री क्रमांक नाही आहे त्यांचा 1947 हा टोलफ्री क्रमांक आहे. त्यांच्या खुलाशा नंतर मोबाईल धारकांच्या मनात आणखी भीतीचे वातावरण तयार झाले आहे.

आपण जर मोबाईल मध्ये सेव्ह झालेल्या 1800300194 या क्रमांकावर फोन करून पाहिला तर हा नंबर लागत नाही. या नंबर बाबत एक अजून धक्कादायक प्रकार काहींच्या म्हणण्यानुसार उघडकीस आला कि हा क्रमांक आपल्या मोबाईल मधून डिलीट करावयाचा प्रयत्न केला तर तो डिलीट होत नव्हता.त्यामुळे गोंधळ उडाला. ट्विटर वर अनेकांनी या बाबत आपली काळजी चिंता व्यक्त केली आहे. अनेक संस्था व तज्ञांनी या प्रकाराला आपल्याला मोबाईलच्या गुप्ततेचे उलंघन झाले आहे असे म्हटले आहे. एकूणच हा क्रमांक कसा काय आपल्या मोबाईल मध्ये सेव्ह झाला आहे याबाबत प्रश्नचिन्ह कायम आहे.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

अंगावर सहा करोड रुपयाचे सोन घालणाऱ्या या बाबा बद्दल आपणास माहिती आहे का ?

आजपर्यंत आपण अनेक बाबा बघितले असतील परंतु आज खासरेवर अश्या महाराजा विषयी माहिती बघूया ज्यांच्या अंगावर सोने २० किलो आहे तर इतर संपत्ती किती असेल ? याचा विचार न केलेलाच बरा आहे. बाबा किंवा महाराज म्हणजे त्यागाचे प्रतिक अशी आपल्या डोक्यात त्यांची प्रतिमा बनलेली असते. परंतु ह्या प्रतिमेस छेद देण्याचे काम करतात हे महाराज..

बाबाचे खरे नाव सुधीर मक्कर हे आहे. प्रत्येक वर्षी ते हरिद्वार ते दिल्ली ह्या कावड यात्रेत भाग घेतात. आणि या यात्रेत आपल्या कडे लक्ष वेधून घेण्याकरिता सर्व बाबा काम करतात. गोल्डन बाबा सोन्या सोबत हिऱ्याचे देखील शौकीन आहेत त्यांच्या कडे असलेल्या रोलेक्स घडीवर त्यांनी हिरे जडविले आहे. उत्तराखंड येथे या बाबा बद्दल सर्वाना माहिती मिळाली आहे. हि यात्रा एकूण २०० किमी ची आहे. बाबा म्हणतात कि सोन हे लक्ष्मीचे प्रतिक आहे त्यामुळे मी हे सोने अंगावर घालतो एकप्रकारे हि देवाची प्रार्थना आहे असे ते सांगतात. या अगोर झालेल्या कावड यात्रेत बाबांनी तब्बल १३ किलो सोने घातले होते बघा व्हिडीओ खाली

या अगोदर बाबा वर अनेक गुन्हे दाखल आहेत तसेच बाबा पहिले उद्योगपती होते. सोन्याच्या वजनामुळे त्यांना त्रास होतो आणि एका डोळ्याचा देखील विकार जडला आहे असे ते सांगतात. गोल्डन बाबा सोबत एकूण २५ सुरक्षा रक्षक असतात. बाबा फक्त फळ खातात इतर अन्न ते टाळतात असे सांगण्यात येते. त्यांच्या सोबत एक स्पेशल आचारी असतो. बाबाकडे बीएमडब्ल्यू, मर्सडिज अश्या अनेक गाड्या आहेत. जवळपास त्यांच्या कडे १५० करोड रुपयाची संपत्ती आहे. आपल्याला हि माहिती आवडल्यास नक्की शेअर करा.

कशी असते आमदारकीचा राजिनामा देण्याची संपूर्ण प्रक्रिया?

58 मुकमोर्चे शांततेत काढूनही पदरी काही पडलं नाही अशी भावना झाल्याने मराठा समाज अत्यंत आक्रमकपणे रस्त्यावर उतरला आहे. राज्यात विविध ठिकाणी रास्ता रोको व बंद पुकारण्यात येत आहेत. राज्यभरात मागील 2-4 दिवसात अनेक ठिकाणी जाळपोळ व दगडफेकीच्या घटना घडल्या आहेत. कायगाव टोका येथील तरुण काकासाहेब शिंदे यांनी आरक्षणाच्या मागणीसाठी जलसमाधी घेऊन बलिदान दिल्याने मराठा समाज अधिकच आक्रमकपणे रस्त्यावर उतरला आहे. आंदोलन चिघळल्यानंतर याचा फटका विविध लोकप्रतिनिधीना देखील बसला. विशेष करून मराठा समाजातील आमदारांना आरक्षण मंजूर करून घेता येत नसेल किंवा समाजासाठी काही योगदान देता येत नसेल तर राजीनामे द्या असे आवाहन करण्यात येत होते.

कन्नड सोयगावचे आमदार हर्षवर्धन जाधव यांनी मराठा आरक्षणाचा अध्यादेश काढा म्हणून प्रथम आपला राजीनामा दिला. या नंतर राज्यातील विविध पक्षांच्या आमदारांनी राजीनामे देण्यास सुरुवात केली. मागील 2 दिवसात विविध पक्षाच्या तब्बल 10 आमदारांनी राजीनामे दिले. पण सर्वाना हा प्रश्न पडला आहे की खरंच या आमदारांचे राजीनामे स्वीकारले जातील का? अनेक आमदारांनी लेटरपॅड वर राजीनामे दिल्याने शंका व्यक्त केली जात आहे. आज खासरेवर बघूया कशी असते आमदारकीचा राजिनामा देण्याची संपूर्ण प्रक्रिया?

आमदारकीचा राजीनामा देण्याची प्रक्रिया-

मराठा आरक्षणासाठी राजीनामा दिलेल्या सर्व आमदारांचा राजीनामा पुढच्या हिवाळी अधिवेशनापर्यंत स्वीकारणे शक्य नसल्याने त्यांची आमदारकी कायम राहणार आहे. 19 नोव्हेंबरला हिवाळी अधिवेशनापर्यंत हे राजीनामे स्वीकारले जाऊ शकत नाही असे विधानसभा अध्यक्ष हरिभाऊ बागडे यांनी स्पष्ट केले आहे.

आमदारांनी राजीनामा देताना कोणत्याही कारणाविना किंवा अटी आणि शर्थीविना देणे बंधनकारक आहेत. पण आमदारांनी त्याचे उल्लंघन केल्यास राजीनामे फेटाळले जाऊ शकतात. राजीनामा देताना प्रत्येकाने प्रत्यक्षात विधानसभेच्या अध्यक्षांकडे एका ठरलेल्या फॉरमॅट मध्ये द्यायचा असतो.
आमदारकीचा राजीनामा दिल्यानंतर तो राजीनामा सभागृहात वाचून दाखवला जातो. त्यानंतर कारण नमूद करून तो स्वीकारला किंवा फेटाळला जातो. राजीनामा स्वीकारल्यास रिक्त झालेल्या जागांची माहिती निवडणूक आयोगाला दिली जाते.

आमदारकीचा राजीनामा देण्याचा अधिकृत फॉरमॅट-

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका…

आज साबुदाणा खाल्लाच असेल एकदा बघा साबुदाणा कसा बनतो..

आषाढी एकादशीही आली. महाराष्ट्रात लाखो लोकांचा हा उपवासाचा दिवस. “एकादशी- दुप्पट खाशी” असा वाक्प्रचार या आषाढी एकादशीच्या निमित्ताने प्रचलित झालाय. कारण सहाजिकच आहे. या दिवशी बर्‍याच लोकांच्या उपवासाच्या थाळीमध्ये अनेक सुग्रास खाद्यपदार्थ असतात. बटाट्याचा किंवा रताळ्याचा कीस, शिंगाड्याचा शीरा, उपवासाच्या भाजणीचे थालिपीठ, राजगिर्‍याच्या पुर्‍या आणि अर्थातच साबुदाण्याची खीर किंवा खिचडी ! भारतात साबुदाण्याचे उत्पादन तामिळनाडुतील सालेम परिसरात होते. कोइंबतूर ते सालेम या भागातील हा एक मोठा उद्योग आहे. अनेक लोकांना यातून रोजगार मिळतो. काहींच्या मते या भागातील हा उद्योग बंद पाडण्यासाठी केलेले हे कारस्थान आहे.